azken albisteak

[GAZT] ETA eta PGPa berriro ere.

Garikoitz Azpiazuren ordenagailua PGPgatik babestua omen dago. Eta horregatik ezin dute ireki. Poliziak zortea edo Azpiazuk berak pasahitza eman diezaien eskatzen dute. Bigarren aldia da hilabete bat baino gutxiagoan PGP izatea eta ETAko kide izatea lotzen dituztela. Beste ikuspuntu batetik: http://www.libertaddigital.com/nacional/los-expertos-encuentran-problemas-para-investigar-los-portatiles-del-etarra-txeroki-1276344138/

Youtuben orain publizitatea bideo barruan ere bai

Hemendik aurrera, Espainiar estatuko mugen barnetik Youtubeko bideoak ikusten dituztenek, bideo barruan publizitatea ikusten hasiko dira. "Zerbitzu" hau martxan dago jada Frantziar estatuan eta baita Amerikar Estatu Batuetan eta Erresuma Batuan ere.

Sareblog, euskarazko lehen blog sare komertziala

Sareblog Asier Lozanok eta Borja Bonillak 2008an sortutako enpresa da. Euskarazko lehenengo blog-sare komertziala osatu dute. Beren esanetan, "enpresa blogaren bitartez enpresei leiho berria zabaltzen zaie, munduari euren burua ezagutzera ematen diote, eta haien marka nola zerbitzuak berehala kokatzen dituzte Interneten".

Koska irratiak webgune eta programazio berria

Koska irratiak etenaldi bat izan du. Baina FMko 108.0an emititzen duen irratiak itxura berria dauka. Sarean webgune berria, programazio eguneratua eta gogotsu benetan. UK berri magazinea, irratsaio berriak eta bestelako berritasunetik. Blogean sartzeak merezi du benetan.

[es] Espasa Wikipedia kopiatzen harrapatuta

Behin baino gehiagotan gertatu bezala, Wikipediako artikulu bat kopiatu dute jatorria aitortu gabe, eta GFDL lizentzia urratuz. Kasu honetan, azpiindizeak eta guzti. Espasak lehenbailehen ezabatu du artikulua, baina zorionez pantailaren irudi bat gorde du wikilari batek (Googleren katxeak ere aski lagundu ohi du kasu hauetan). Gainera, ematen du ez dela artikulu bakarra izan.

Lagundu Wikipedia

Urtero egiten duen bezala, Wikipedia finantzatzeko diru-laguntza bilketa hasi du Wikimedia Fundazioak. Aurten 6 milioi dolar batzea dute helburu. Jendeak egindako irabazi asmorik gabeko entziklopedia honek laguntzeko bide ugari ditu, dohaintzak tartean. Laguntzeko prest?

"Software Librea Euskal Herrian" jardunaldiak Koldo Mitxelenan

UPVko Sanchez-Mazas katedrak antolatuta 3 eguneko zikloa egongo da Donostiako KM kulturgunean. Goizetan tailerrak antolatuko dira eta arratsaldetan hitzaldi-konferentziak.

CNNk holograma bitartez eman zituen emaitzak

CNNk Ameriketako Estatu Batuetako hauteskundeetan holograma bitartez izan zuen kazetarietako bat estudioan. 35 kamarak grabatzen zuten Chicagon eta estudietan aurrez aurre ikus zezaketen eta elkarrizketatu.

.gal domeinua 2009ko irailean martxan

PuntoGal elkartea egun hauetan Egipton dago, ICANN erakunde internazionala burutzen ari den bileran. Beraiek azaltzen duten bezala, .gal ez da domeinu geografikoa, galiziar komunitatearentzako domeinua baizik: http://ttiki.com/1264 El Paisek informazio gehiago ematen du (manipulatua bada ere): http://ttiki.com/1265 Gero .eus etorriko da.

Ez da luntxik egongo

Teketen eta biok egitasmo berri bi aurkeztuko ditugu bihar, asteazkena, 11:00etan hasita Donostiako Koldo Mitxelena Kulturunean. http://arraytxiki.com eta http://publikatu.com. "Mass media"k gonbidatu ditugu, baina "zuri handiak" ez ezik, "arrai txikiak" ere etortzea nahi genuke. Gonbidapena luzatu dugu geure blogetan. Hemen nire blogekoa ere: http://ttiki.com/1254

Alemaniar gobernua 11.000 ordenagailu GNU/Linux-era pasatzen ari da

Alemaniako kanpo-arazoetarako ministeritzak bere ordenagailu guztiak GNU/Linux-era pasatzea erabaki du. Horrek munduko 230 enbaxada migratzea suposatzen du eta Espainiakoa, Japoniako eta Koreakoa adibidez migratuta daude jada. Ministeritzak horrela mantenimentu kostuak asko merketzen direla azaltzen du. Antzeko albiste bat aipatu genuen Frantziar poliziaren 70.000 ordenagailuri buruz: http://www.zabaldu.com/3411/frantziar_poliziak_ubuntu_jarriko_du_bere_70000_ordenagailuetan/

OpenOffice 3.0 Euskaraz GNU/Linux enta MacIntel-entzat

Dooteok OpenOfficen 3.0 bertsioaren GNU/Linux eta MacOS X Intel sistema eragileentzako konpilazioak prestatu eta eskuragarri jarri ditu. Momentuz, ez dago Windows sistemarako prestatuako konpilaziorik.

eus domeinua 185.000 dolarren truke

ICANNek antza aldatu ditu .eus domeinu bat lortzeko baldintzak. Orain baldintza bakarra dago: 185.000 dolar ordaintzea. Itsulapikoak jartzen hasiko al gara?

Elebila bilatzailearen lehen urteurrena dela-eta berrikuntzak

Eleka Ingenieritza Linguistikoa enpresak sortutako www.elebila.eu euskarazko bilatzaileari berrikuntza ugari gehitu dizkiote bere lehen urteurrena dela-eta.

465.000 euro inbertitu dituzte Tagzanian, enpresaren %28,57ko parte-hartzea eskuratuz

EAEko Arrisku Kapitalaren Kudeaketa Sozietateak 465.000 euro inbertitu ditu Tagzania Services 2007, S.L. enpresan, %28,57ko parte-hartzea lortuz. Inbertsioa sei urterako egin da Elkano XXI Funtsaren bitartez. Eibarko Code&syntax enpresak garatutako egitasmoa da Tagzania Services (http://www.tagzania-services.com).
« aurrekoa 1 2 3 4 5 6 7 8 9 10 ... 43 » hurrengoa

Laguntza  |  kodea: lizentzia, jaitsi  |  irudien lizentzia   |  Kontaktua: kontaktua(a bildua)zabaldu.com Baliozko XHTML 1.0 Transitional kodea    Baliozko CSS kodea!   [Baliozko RSSa]