bilaketaren emaitzak "nafarroa"

Apirilaren 1ean Nafarroako bertsofinala

Apirilaren 1ean Nafarroako bertsofinala

Nafarroako Gobernu osaketarako negoziazioak hautsi ditu PSNk

Nafarroako Gobernua osatzeko negoziazioak hautsi dira. NaBairentzat, «PSNrena da errua». Hitz horiek erabili zituen atzo Patxi Zabaleta NaBaiko hautagaiak haustura azaltzeko. Bere ustez, NaBaik «bere eskura zegoen guztia» egin du. NEBek, berriz, uste du PSN ez zegoela «behar bezala prestatua» akordioa lortzeko. PSNko Fernando Purasek azaldu du inoiz ez dutela aipatu koalizio gobernu bat osatzearen alde daudela.

Transfugen arriskua Nafarroan (artikulua espainolez)

Loretxoa blogean irakurria: Demagun PSNk eta NaBaik Nafarroan gobernatzeko akordioa lortzen dutela. Transfugismo arriskurik ba ote dago?

Nafarroa osorako euskararen ofizialtasuna eskatuko du bihar NaBaik

Nafarroan hizkuntz legedian dagoen zonifikazioa bukatzeko -hiru eremu daude- eta lurralde osorako euskarari ofizialtasuna emateko eskatuko du bihar NaBai koalizioak bertako Parlamentuan. Hori izango da haren lehen eskaera. Bigarrena: aurrenak ez badu aurrera irteten, eremu mixtoa zabaltzea

Larunbatean manifestazioa Ezkarozen

Larunbat honetan, Nafarroa Pirinioko ia 100 hautetsik deituta manifestazioa eginen dugu Ezkarozen. PIRINIO BIZIRIK lelopean Erronkari, Zaraitzu, Aezkoa, Luzaide, Orreaga, Erroibar, Artzibar eta Esteribarko herritarrak bilduko gira Nafarroako Gobernuak proposatu duen Garapen Planak ez duelako gure eskualdeko egoera larria aldatuko, eta exigitzen dugu benetako Garapen Plan bat martxan jartzea; eskualdea indarberrituko duen plana, benetan ez badugu biztanlerik gabe gelditu eta hiriko bizilagunen bigarren bizileku eta atseden-leku bihurtu nahi.

Hemezortzi bertsolari lehian, Nafarroako txapela helburu

Etxarri Aranatzen jokatuko dute bihar 2007ko Nafarroako Bertsolari Txapelketako lehen finalaurrekoa. Beste bi ere izango dira, martxoaren 3an Goizuetan eta martxoaren 10ean Berriozarren, hurrenez hurren.

Nafarroako Gobernuak ez du euskararentzako ekintza plan berririk

Errotulazioan aldaketak iragarri eta hiru hilabetera, «lanean» ari direla esan du Caballero kontseilariak. Gezurra hutsa!

Euskalerria Irratia berriz ere laguntzarik gabe

Nafarroako Gobernuak euskara sustatzeko diru-laguntzak banatu ditu eta Euskalerria Irratia sosik gabe geratu da azken lau urteetan bezala. Gobernuak betiko arrazoia eman du laguntzarik gabe uzteko, alegia, ez duela emisio lizentziarik. Gobernuak berak ukatu dion lizentzia, hain justu.

Nafarroako Gobernuak euskarazko bost herri izen onartu ditu

Nafarroako Gobernuak euskarazko bost herri izen onartu ditu, foru dekretu bidez. Aurrerantzean herri horien izendapena honakoa izango da: Espartza Zaraitzu (Esparza de Salazar), Otsagabia (Ochagavía), Orontze (Oronz), Urzainki (Urzainqui) eta Deierri (Valle de Yerri).

Nafarroako eremu mistoan errotulazioa ele bitan izango da

Joan den ostiralean iragarri zuen Nafarroako Gobernuak euskararen erabilerari buruzko jarduera plan berria egingo zuela. Besteak beste, eremu mistoan errotulazioa ele bitan izango dela iragarri zuten, izen ofiziala ele bitan duten herrien kasuan. Gaur Miguel Sanz Nafarroako Gobernuko presidenteak zehaztu du aldaketa horiek "bizikidetza susatzeko" egingo dituztela baina ez dutela orain arteko hizkuntza politikan aldaketarik egingo. Izan ere, Sanzen arabera, Nafarroako Gobernuak ez du inolako hizkuntza eskubiderik urratu.

Iruñerrian gehienek txarresten dute UPNren hizkuntza politika

Iruñerrian bizi diren herritar gehienek ez dute ontzat jotzen Nafarroako Gobernuaren hizkuntza politika. Eremu erdaldunean bizi direnek eremu mistoan sartu nahi dute, eta gehienek begi onez ikusten dute euskara Administrazioan, komunikabideetan eta irakaskuntzan erabiltzea. Herritarren %77ri, esaterako, ondo iruditzen zaie euskara kontuan hartzea Administrazio Publikoan sartzeko, eta %84,4k egoki ikusten dute euskara unibertsitatean erabiltzea.

Nafarroako Irrati Euskaldunen Sarea jaio da

Nafarroan euskaraz ari diren sei irratik (Xorroxin, Beleixe, Esan Erran, Karrape, Aralar eta Euskalerria Irratia) Nafarroako Irrati Euskaldunen Sarea sortu dute, elkarlana sustatu eta ahaleginak optimizatzeko asmoz. http://www.nafarroakoirratiak.com

Xabier Azanza izendatu dute Euskararen Nafar Institutuaren zuzendari

Nafarroako ikastoletako lehendakaria Euskararen nafar institutuko zuzendari berria da

BideoaAHTren aurkako protesta Zizurren

AHTk zuzenean eragingo dio Zizur herriari (http://www.ahtgelditu.org)eta bertako gazteek erabakia hartu dute: "NaBaik prestazio handiko trena deitzen badu ere gazteok badakigu ez diola inolako onurarik ekarriko gure herriari. AHT Gelditu Elkarlanak urteetan azaldu moduan sobera dira proiektu suntsitzaile hau gaitzesteko arrazoiak, bai ekologikoak, sozialak nahiz ekonomikoak. Horregatik, beraz, Zizurren ere AHT gelditzeko erabakia hartu dugu!!".

Orreaga 778

Gaur Abuztuak 15, arratsaldeko 2etan Ibañetako gainean 778ko baskoien garaipena oroituko dugu.
« aurrekoa 1 2 3 » hurrengoa

Laguntza  |  kodea: lizentzia, jaitsi  |  irudien lizentzia   |  Kontaktua: kontaktua(a bildua)zabaldu.com Baliozko XHTML 1.0 Transitional kodea    Baliozko CSS kodea!   [Baliozko RSSa]