bilaketaren emaitzak "herria"

EAE-ANV, Abertzale Sozialistak eta PP, aurrez aurre Gipuzkoako bost herritan

Lizartzan, Adunan, Itsasondon, Orexan eta Elduain beste alderdirik ez da aurkeztu, ezta beste herri plataformarik ere.

«Euskal Herria ez da salgai» dinamika baitan lau golfen kontrako erasoak aldarrikatu dituzte

«Euskal Herria ez da salgai» dinamika baitan lau golfen kontra burutu ekintzak aldarrikatuak izan dira. Irulegiko Irratiak gaur goizean zabaldu duen agirian irakur ahal denez, «golfak Parisetik Ipar Euskal Herriari manatzen zaion lur kudeaketaren parte dira». «Hasitako lana» segituko dutela iragarri eta «borrokara sartzeko gogoa duten guzieri» dei berezia zabaltzen da kazeta.infok bere osotasunean zabaldu duen agiri horretan.

Frantzia eta Alemaniako poliziak elkarlanean Donibane Lohizuneko karriketan

Europako herrialde ezberdinetatik etorritako poliziek kontrolak eginen dituzte uda huntan Estatu frantziarrean. Bigarren urtea da «turistekin hartu harremanak bideratzea» xedea duen operatiboa abian ezartzen dutela. Orotara 20 bat «polizi atzerritar» izanen dira uda honetan Estatu Frantziarreko eskualde turistikoetan. Horietako batzuk Lapurdiko kostaldera arribatu dira. Idurian agertzen den polizi-kontrola Donibane Lohizunen ezarri zuten, atzo, bertan Frantzia eta Alemaniako poliziak elkarlanean ikusten zirelarik.

Errepresioan sakonduz

Zapatero kanpaña egiten. Orain zenbat puntu aterako dizkio PP-ri

Donostiako kargaren ondorioa

Zauritutako baten argakia eta kargaren kronika

Gurutze gamatuak agertu dira Bidarrain eta Gixunen

Frantziako hainbat eskualdetan nahiko ohikoa da, tamalez, nazien sinboloak paretetan agertzea. Ez ordea Ipar Euskal Herrian. Alta, Gixuxe eta Bidarrain horrelako sinboloak agertu dira azken ordutan. Esvastika eta Espainia izena lorurik azaltzen dira, gainera, baxe nafar herriaren kasuan. Gehienetan abertzaleak erasotzeko erabiliak izan dira sinbolo lazgarri horiek Iparraldean.

Bederatzi lagun inputatu dituzte Gaztesarea babesteagatik

Inputatuen artean kulturgintzako eta gazte mugimenduko pertsona ezagunak daude. Gorka Urbizu Berri Txarrak musika taldeko kidea eta Jon Maia eta Arkaitz Estiballes bertsolariak, besteak beste. Amnistiaren Aldeko Mugimenduak (AAM) jakinarazi duenez, bihar deklaratuko dute Haritz Garridok, Mikel Zenigaonaindiak eta Gorka Urbizuk. Etzi, Miren Zabaletak, Aitziber Martinez de Lagosek, Jon Maiak eta Harkaitz Estiballesek.

Gaur arratsean Baionan aurkeztuko duten txosten independenteak AHT berria beharrezkoa ez dela berretsiko du

Lapurdi zeharkatuko duen AHT berriari buruz Suitzako aditu bulego independente batek egin duen txostena gaur arratsaldean plazaratuko da Baionan. Hainbat iturriek aipatu digutenez, ikerketa ibilbide berriaren aurka azaldu diren herri elkargo eta talde eklogisten iritzia indartzera dator. Iduriz, berrikuntza batzuk tartean egungo ibilbideak hurrengo hiru hamarkadetako beharrak asetzeko balio duela eta ondorioz ez dela bide berria egin behar erranen du txostenak.

Ipar Euskal Herriko ekoizleen %80ak bat egin du dagoeneko esne grebarekin

Atzo bildu dira Amenduzen (Nafarroa Beherean) APLI eta ELBko behi esnedun hazleak eta pasa den ostegunean abiatu grebaren balorazioa egin ondoan, mugimenduarekin segitzea deliberatu dute. Greba mugimendua egunez egun indartuz doazela eta dagoeneko Ipar Euskal Herriko ekoizleen ehuneko 80ak grebarekin bat egin duela aipatu dute asanblea horretan.

Etxean egindako lehergailu bat indargabetu du Poliziak Chantaco (Donibane Lohizune ) golfean

Frantziako Poliziak etxean egindako lehergailua indargabetu du goiz honetan Donibane Lohizunen, Azkaineko bidean, kokaturik den Chantaco golf eremuan. Lehergailua golfeko jatetxearen atarian utzi dute. Azken hilabetetan eraso ezberdinak izan dira Lapurdiko golf eremuetan. Hain zuzen, Xibertako golfean, Angelun, eta Basusarriko Makila golfean zelaiak zuloz beterik azaldu ziren.

Hendaiako alkatea Hondarribiko aeroportua zabaltzeko proiektuaren kontra azaldu da

Espainiako Gobernua eta Eusko Jaurlaritza Hondarribiko aeroportuaren pista luzatzeko egitasmoa aitzinera eramateko prest dira. Alta, Hendaiako Herriko Etxeak helegite bideari eginen diola iragarri du gaur Salaberry auzapezak. Alkate hendaiarrak azaldu duenez, heldu den irailean mozio bat aurkeztuko dute Udal osoko bilkuran. Azkenik, hendaiarrak karriketan bere kezka azaldu dezaten mobilizazio bat deitzea ez du baztertzen Herriko Etxeak.

"kapitalak" lehenik????

Post interesgarria topatu dudana tontokaletik blogan eta zabaldu nahi dudana. Post honetan, hainbat euskal egunkariek, zerbitzu desberdinen berri ematerakoan (zinema, botikak, ...) herriak sailkatzeko erabiltzen den kriterioa gaitzesten da. Lehenik "kapitala" eta gero beste guztiak. "Diario Vasco" gisako egunkariek erabiltzen eta sustatzen duten eredu "probintzianoaren" adibide garbia.

[pdf] 25 x 16 zentimetroko eskela Berrian

Ez nuen gogoratzen horrelakorik. Tamaina handiko hil-mezu-gaitzespen-deialdia atzoko Berrian.

ETAren hausnarketaren berri esklusiban omen du TVEk

TVE telebista publiko espainiarrak dio ETAren hausnarketa prozesuaren ondorioak jakin dituela bere ikerketa taldearen bidez. Jakin dutenetik, izenburu hau ondorioztatu du TVEk: "Independentzia lortu arte hiltzen jarraitu." Irudiak ere publiko egin ditu TVEk, ustezko ETAkideak ordenagailuekin.

Xan Beyrie gaztea atzeman du Poliziak Kanbon

Frantziako Poliziak Xan Beyrie gaztea atxilotu du Kanbon. Atxilotzea Intermarche saltokian gertatu da. Gaztearen burasoen etxea miatu du Poliziak. Hau da Ipar Euskal Herrian aste honetan gertatzen den bigarren atxiloketa. Joan den asteazkenean, Domintxainen, Poliziak Mikel Barrios gazte iruindarra atxilotu zuen euroagindu bat zela-medio.
« aurrekoa 1 2 3 4 5 6 7 8 9 10 ... 39 » hurrengoa

Laguntza  |  kodea: lizentzia, jaitsi  |  irudien lizentzia   |  Kontaktua: kontaktua(a bildua)zabaldu.com Baliozko XHTML 1.0 Transitional kodea    Baliozko CSS kodea!   [Baliozko RSSa]