Joan den ostiralean iragarri zuen Nafarroako Gobernuak euskararen erabilerari buruzko jarduera plan berria egingo zuela. Besteak beste, eremu mistoan errotulazioa ele bitan izango dela iragarri zuten, izen ofiziala ele bitan duten herrien kasuan. Gaur Miguel Sanz Nafarroako Gobernuko presidenteak zehaztu du aldaketa horiek "bizikidetza susatzeko" egingo dituztela baina ez dutela orain arteko hizkuntza politikan aldaketarik egingo. Izan ere, Sanzen arabera, Nafarroako Gobernuak ez du inolako hizkuntza eskubiderik urratu.