Iruña-Veleiako ostraken gaineko patina edo geruza antzinakoa zela demostratzen omen zuten espektroskopia nuklearreko analitikak ez ziren inoiz egin. Eta, hala ere, Eliseo Gilen Lurmen enpresak 5.817,40 euroko faktura pasa zion Arabako Foru aldundiari, eta Ruben Cerdan fisikari nuklearrak 5.065,15 euro jaso zituen. CEA-CNRSko laborategietan egin omen ziren azterketa horiek, baina han inork ez daki ezer.