Xabi Payak artikulu interesgarria idatzi du euskarazko edukiak "globaliza"tzera bidean. Azpitituluetaz hitz egin izan dugunean, maiz "kanpokoa euskaratzea" izan dugu ardatz. Eta alderantziz? Alegia, zergatik ez euskarazko edukiak "erdaratu" unibertsal(ago) egiteko? "Txirritaren ofizioari mesede handia egingo lioke erreferentziazko dozena bat bertso saio azpidatziekin zintzilikatzea sarean", esanez amaitzen du artikulua Payak.