ELAko XII. kongresu konfederalean Adolfo Muñoz idazkari nagusi aukeratu dute botoen %91 eskuratuta. Aurrean dauzkan erronkei begira, Elorrietaren oinordekoa izango denak "konfrontazioari" eusteko prest dagoela adierazi zuen, eta Eusko Jaurlaritzako "jarrera totalitarioa eta intolerantea" ere salatu zuen. Gainera, sindikatuaren helburu nagusia langileen baldintzak hobetzea bada ere, gaurko egoera politiko tamalgarria ere aipatu zuen, "abertzaletasun instituzionalak" herritarrengan sortu duen frustrazioa seinalatuz.