Thomas Hammarberg Europako Kontseiluko Giza Eskubideen komisarioak Frantziako kartzelei buruzko txostena kaleratu berri du eta kartzeletako bizi-baldintzak «onartezinak» direla esaten du bertan. Frantziako Gobernuari ohartarazi dio zigorren gogortzea eta handitzea ez dela presoak gizarteratzeko bide egokiena. Presoen sakabanaketari buruz argi ez jokatzea leporatu dio Hammarbergek Frantziari, eta oroitarazi dio familiarekiko harremanak eusteko erraztasunak izatea eskubidea dela.