Urte eta erdi geldirik egon ondoren, Oreretako irrati libre hau eskualdeko uhinetara itzuli da. Etzitik aurrera FM100ean eta www.zintzilik. net webgunean entzun ahal izango da. Programazio berriaren aurkezpena, berriz, larunbat goizean egin dute Zintzilik Irratiko kideek. Errenteria-Oreretako kaleetatik zuzeneko saioa egin dute, eta euriagatik triste zegoen giroa alaitzen saiatu dira. Umorea, behintzat, ez zaie falta izan, eta denboraldi berriari begira pilak ondo kargatuta datozela erakutsi dute.