iruzkinak

1. #1   Bakoitzak nahi duen musika nahi duenarekin egiteko eskubidea duela garbi utziz, ni ere ez nau gehiegi konbentzitzen diskoaren izaera "unibertsal" horrek. Uler nezakeen herrialde, nazio eta hizkuntza ezberdinagoetako kolaboratzaileek partu izan balute, baina Miguel Bosé, Ana Belén eta espainiar kutxipanda osoa...
   ikatza (e)k bidali du duela 72 egun 14 ordu 49 minutu
2. #2   Ez dot diska entzun baina entzun dutenek diska oso ondo dagoela diote. Entzun beharko nuke egiaztatzeko. Hala ere nork abesten duen berdin zait abestiak, diska, entzungarriak badira; bestela ad homimem iritzia izango litzateke.
   Koldotxu (e)k bidali du duela 72 egun 14 ordu 18 minutu
3. #3   Niri ekarpen interesgarria iruditzen zait. Beti esaten dugu hemen bizi diren erdaldunekin zubiak eraiki behar ditugula, euskarazko kulturara erakarri eta abar. Ba, saiakera polita iruditzen zait Kepa Junkerarena. Beste gauza bat da tipoak ematen duen adibide eskasa: horrenbeste urte pasa eta gero, ez da oraindik kapaza euskaraz berba egiteko.
   xiber (e)k bidali du duela 72 egun 11 ordu 1 minutu
4. #4   Ez dut diskoa entzun oraindik. Eta ez dakit entzungo ote dudan. Hasierako Kepa gustuko nuen eta, nire ustez, bere mailarik gorena "Bilbao 00" diskoarekin lortu zuen. Disko honekin Donostian emandako kontzertua bikaina iruditu zitzaidan.
   
   Geroztik, baina, pare bat aldiz ikusi dut zuzenean eta berak eskaintzen zuena ez zitzaidan batere interesatu. Azken emanaldian, duela urtebete edo bi urte, ez nuen asmatu zertan zebilen tipo hura eszenatoki gainean.
   
   Abila da negozioetarako, hori garbi daukat.
   
   Bestalde, Gorka Bereziartuak Argian egindako kritika zentzuzkoa iruditu zitzaidan. Eta xiberren zubigintzarena ere ulertzen dut, baina ez dut uste hau denik bidea. Okertuta egon naiteke, baina Erentxun & Monteroren antzekoa dirudi.
   
   Hortik aurrera, bakoitzak egin dezala nahi duena.
   iturri (e)k bidali du duela 72 egun 3 ordu 51 minutu
5. #5   Joan den astean izan nuen diskoak entzuteko aukera. Beste barik. Aurrekoan baten bati irakurri nion iritzi batekin bat egiten dut: ez dio ekarpen berezirik egiten abestiei. Abesti bakoitzaren askoz bertsio hobeak entzunak ditugunaren sentsazioa izan nuen. Adibidez, "Maitia nun zira" abestiaren bi bertsio daude eta batek ere ez du gainditzen "Bilbao 00" diskoan Dulce Pontes-ek egin zuena.
   
   Iturrirekin ere ados: "Bilbao 00"k mila buelta ematen dizkio ondoren egin dituen lan guztiei (hau barne). Beharbada gustu kontua izango da, baina nire ustetan, oraindik ez du gainditu orduko maila.
   
   Hizkuntzaren kontuari dagokionez, ez daukat iritzi garbirik. Hala ere, joan den astean "Ser" irrati katean egin zioten elkarrizketa bat entzun nuen eta gauza batek pena eman zidan: irratiko esatariak (Gemma Niergak) Junkera euskalduna zela uste zuenaren inpresioa hartu nuen. Pena eman zidan Junkera euskaldun erreferente modura erabili zutela ematen baitzuen (eta Junkerak berak ez zuen momentu batean ere aipatu euskaraz ez dakienik).
   ikermm (e)k bidali du duela 72 egun 3 ordu 41 minutu
6. #6   Nik ere Amaia Monteroren Lau Teilaturen usaia hartu diot diska honi. Poztekoa da Espainian gure musika baloratzea, baina Gariren kantuak kanpoan baloratzeko Santiago Auseronek kantatu behar baditu (adibidez), hobe horretan ez hastea.
   
   Ideia bat izan nuen duela pare bat egun: Junkeraren diskako kantuen bertsio euskaldun petoak aurkitu, MP3-an jarri eta Junkeraren diskoa balitz moduan P2P sareetan zabaltzea. Izan ere, zalantzarik ez dut bertsio "klasikoak" Junkerarenak baino hobeak direla. Norbait animatzen bada, taldean egin genezake lana!
   garaolaza (e)k bidali du duela 72 egun 3 ordu 2 minutu
7. #7   #6 hor idatzitakotik tira eginez, proposamena Sustatun: http://sustatu.com/1225351742
   luistxo (e)k bidali du duela 71 egun 14 ordu 15 minutu

trackbacks

• (aipurik gabe)