Ikasle Eguna jaialdia Erandion ospatuko da aurten, azaroaren 22an, larunbata, paperezko "Bilboko Branka"k jakinarazi duenez. Ikasle mugimenduaren ospakizunak aparteko garrantziak izango du, Ikasle Abertzaleek 20. urte beteko dutelako. Erandion, "Borrokak heziak, iraultza haziak" lelopean, umeen gunea, txosnak, ikasle bazkaria, kantautorea, kalejira eta kontzertua izango dira, besteak beste. Anger, SA, DJ Bull, Aritz Sound System eta Obrint Pass-ek joko dute. Erromeria eta ezustekoak ere izango dira.