iruzkinak

1. #1   Ez dut kritikatze hutsagatik kritikatu nahi, baina ez dakit holako jaialdiek beren hasierako izpiritua ez ote duten galdu.
   
   Nafarroako hegoaldean dirua behar duten ikastolak askoz gehiago dira. Beste toki batzutan ez da ikastolaren beharrik, sare publikoak dagoeneko betetzen baitu ikastolak bere garaian bete nahi zuen hutsunea. Iruñeko Jasok Oineza bigarren aldiz antolatuko du eta ageri-agerikoa da ez dutela batere diru arazorik. San Fermin ikastolarekin gauza bera gertatu zen: kasu horretan, ikastetxe pribatu garesti eta oso pijoa da, beraiek hala nahita.
   
   Esan nahi dut: Ez nago konforme ikastola jakin batzuen hezkuntza ereduarekin: "Hizkuntza-laborategiak ditugu, gimnasiarako txandal esklusiboa eta ordenagailu bat bi ikasleko; hori ordaindu ezin duena, joan dadila sare publikora". Holako zentruei laguntzeko jaialdi bat antolatzen dutenean, ba... igual pixkat pentsatu eta ez naiz joanen. Edo bestela joan bai, baina litroak kanpotik eramanda.
   Amonamantangorri (e)k bidali du duela 86 egun 4 ordu 4 minutu
2. #2   #1 agian arrazoi duzu zure kritikan, baina nik uste dut Nafarroan arazoak izan ohi dituztela Nafarroa oinez antolatuko duen ikastola bilatzen, eta seguruenik behar gehien dutenak ez direla gai ikusten horrelako festa bat aurrera eramateko... Ze dirua ateratzen da bai, baina bertakoen aldetik urte osoko lan sakona dakar, eta argi dago herrialde askotan jende gutxi dagoela lan bolondres hori egiteko prest... horregatik nire uste errepikatzen doazela ikastolak behin eta berriz...
   
   Ez bada hala zuzen nazala Nafarroan zain dagoen ikastolaren bateko kideak.
   ZaPo (e)k bidali du duela 85 egun 17 ordu 45 minutu
3. #3   Eman duzun azalpena zentzuzkoa iruditzen zait.
   
   Gero, jaialdiak eta jaialdiak daude. Badirudi Kilometroak, Ibilaldia eta Araba Euskaraz egitea oraindik beharrezkoa dela; jende asko ilusio handiz aritzen da horrelakoetan musutruk lanean. Ikastolen sustraia herri mugimenduetan egon zen, baina horrela izaten jarraitzen al du? Euskararen aldeko jai batera omen goaz, baina batzutan pentsatzen dut ez ote garen ariko hezkuntza eredu pribatu (barkatu, kontzertatu) baten alde.
   Amonamantangorri (e)k bidali du duela 85 egun 12 ordu 32 minutu
4. #4   GORA NAFARROAKO IKASTOLAK !!!
   
   Ahalegin handia egiten ari dira ikastolak Nafarroa osoan. Ikasleak euskalduntzen, euskararen erabilpena sustatzen, eskolaz kanpoko hainbat ekintza egokitzen... Baina, euskalduntzea al da guztia? Ez. Nafarren kultura kontuan hartzen, gure arbasoen historia eta istorioak ezagutzen, aintzinatik datorren gure herri identitatea bultzatzen... Hori da, GORA IKASTOLAK!
   
   Hori guztia nola ari dira lortzen? Lana planifikatzen, antolatzen, hezitzaileak prestatzen, parte hartzen, herritarrak inplikatzen... Herria sentitzen eta sentiarazten, etorkizuna egunez egun egiten.
   
   Aurrekoek diote Nafarroako eskola publikoak euskalduntzen hasi zirenetik hori egiten ari direla. Egia al da? Nafarroako eskola publiko askotan izugarrizko lana egiten ari dira ikasleak euskalduntzen, erabilpena sustatzen eta abar, GORA ESKOLA PUBLIKO EUSKALDUNAK!
   
   Dena den, administrazioak eskola publiko ona nahi al du? Zergatik hartzen ditu berak ia erabaki guztiak?, zergatik da hain zaila eskola bateko materia prima nagusia dena, HEZITZAILEAK, mantentzea? Zergatik eskolatik eskolarako mobilitate hori? Ala eskola bakoitzak ez al du izan behar bere nortasuna? Administrazioak funtzionaritza sistemarekin trabak jartzen dizkie eskolei ongi funtziona dezaten.
   
   Administrazioak bere eskolak nahi ditu, ADMINISTRAZIOAREN ESKOLAK eta ez Eskola publikoak. Publikoak pueblotik dator, herritarren parte hartzetik... PENTSATZEKO garaia da, herri bezala jokatzeko, ez administrazio anti-euskaldunei jokua egiteko unea.
   Poxa (e)k bidali du duela 84 egun 15 ordu 22 minutu
5. #5   Poxa, eman dituzun arrazoiak guztiz zuzenak iruditzen zaizkit ikastolak oraindik beharrezkoak direla esateko. Baina benetako ikastolak esan nahi duzula pentsatu nahi dut, hasierako xede horiek gorde dituztenak eta bokazio publikoa eta herrikoia dutenak; hau da, ez "ikastola" izena dabilkiten ikastetxe guztiak.
   
   Ja ez dut EAEko egoeraz hitz egin nahi, han oso-oso garbi baitago. Hitz egin dezagun Nafarroaz, han oraindik administrazioa etsaia denez gero: San Fermin ikastolako umeek euskaraz oso ongi ikasten dute, irakasle-ikasle ratio egokia dute, kirol instalazio onak, mota guztietako baliabideak. Hiritik aparte dagoen muino batean egin zuten lehen eraikina eta gero zabaltzen joan. Gurasoek lasai asko bidal ditzakete seme-alabak San Ferminera. Zergatik? ba, San Ferminen sortzaileek ikuspegi elitista eduki zutelako. Ezagun da Osasuna eta Portlaneko entrenatzaile eta jokalariek, joera guztietako politikariek (baita UPNkoek ere) eta enpresari ezagunek aukeratzen dutela beren umeen eskolatako, eta ez da aukera txarra.
   
   Hori ikastola al da? bo, deitu nahi duzun bezala, baina inoiz berriz Nafarroa Oinez han antolatzen badute, doala nahi badu Juan Cruz Allí jauna, baina nik beste plan batzuk eginen ditut igande horretarako.
   Amonamantangorri (e)k bidali du duela 84 egun 12 ordu 25 minutu
6. #6   Amonamantangorri, publiko diozunean zertaz ari zara, "GAURKO PUBLIKO"az? Estatua batzeko duela 150 urte sortutako gaztelaniako ereduaz?
   
   Hori niretzat, Poxak dion bezala, ADMINISTRAZIO EREDUA da eta ez EREDU PUBLIKOA. Kasu honetan, Administrazio estatalaren eredua.
   
   Hain juxtu, eskola bakoitzak bere eredu propioa, bere Hezkuntza Proiektua izatea praktikan ia ukatzen duen sistema publikoa da. EZ, mesedez, halako publikorik, EZ!
   5422 (e)k bidali du duela 82 egun 17 ordu 26 minutu
7. #7   Interesgarria eztabaida! Bada garaia herri gisa pentsatzen hasteko…
   
   EUSKAL HERRIKO OINARRIZKO HEZKUNTZA AKORDIOAk inposatu zaizkigun molde zaharrak gainditzeko zenbait gako jaso zituen.
   
   Publikoa, euskaldunon hezkuntza eskubideak bermatuko dituen sistema izango da. Eta, gaur gaurkoz, hezigune guztiek, euskal lurralde guztietan, bide luzea dute egiteko.
   
   Hausnarketan sakontzen jarraitu nahi duenarentzat:
   
   www.naziogunea.net/eu/node/464
   aurrerat (e)k bidali du duela 82 egun 16 ordu 2 minutu

trackbacks

• (aipurik gabe)