Harrika taldeak bere azken diska copyleft eta deskargatzeko moduan jarri du

icon gravatar.comwww.oarsoaldekohitza.info/albisteak/9134/Harrika_taldeak_interneten_ja...
teketen (e)k bidali du duela 39 egun 9 ordu 3 minutu, duela 39 egun 5 ordu 50 minutu argitaratuta
Harrika taldeak bere azken diska copyleft moduan jartzeaz gain bere webgunetik (http://harrika.net) deskargatzeko moduan jarri du denontzat. Taldearen azken diska nahiko interesgarria iruditu zait (lagunak ere badira) eta Obrint Pas, Surfing Kaos eta Kautaren laguntza ere izan dute.
5 iruzkinetiketak: hemen: Kultura bildu
erabiltzaileen botoak: 7, boto anonimoak: 13

iruzkinak

  1. #1   Pozten naiz beraien musika Interneten entzungai jartzen duten musika talde gehiago egoteaz. Harrika taldekoei nire zorionik beroena. Orain ez daukat bozgorailurik eskura baina gauean Harrika taldearen musika entzungo dut! :-)

    Bestalde, badaukat galdera bat. Hitza aldizkariak eta Teketenek bidalitako albisteak diska copyleft erakoa dela diote. Webgunean begira ibili naiz eta ez dut horren frogarik aurkitu. Creative Commons-en ikur bat ikusi dut baina Creative Commons lizentzia oso desberdinak daude. Bat copyleft da (CC BY-SA) baina besteak ez. Sentitzen dut baina "Creative Commons" besterik gabe jartzea ez da nahiko. Abestiak kopiatu daitezke ala ez? Lan eratorriak (itzulpenak, bertsioak) egin daitezke? Erabilera komertziala egin daiteke (adibidez, publizitate banner bat daukan webgune batetan Harrikako abesti bat jartzea)? Erantzunaren arabera abestia librea izango da ala ez, copyleft izango da ala ez. Eta lizentzia zehatz bat jartzen ez den bitartean, Jabetza Intelektualaren Legeen arabera, musikak copyright murriztailea izaten jarraituko du.

    Gai honekin laguntzarik nahi izanez gero, aukera bakoitzaren gorabeherekin laguntzeko eskaintzen dut nire burua. E-mail bat bidaliko diet.
    Txopi (e)k bidali du duela 39 egun 5 ordu 32 minutuTxopi
  2. #2   Aupa Txopi. Arrazoia duzu bai, dudarik ez dudana da libre izatearen gogoaz. Zehazki zein lizentzia erabiltzen duen ez dakit, baina by-sa ez bada ere libre izateko gogoa dutela argi dute, beraz edozein aldaketa proposatuta onartuko dutelakoan nago. Dudarik azaltzen badute edo gehiago jakin nahi badute zurekin kontaktuan jartzeko proposatuko diet.
    teketen (e)k bidali du duela 39 egun 4 ordu 26 minututeketen
  3. #3   CC - by-nc-sa erabili dute (http://a408.ac-images.myspacecdn.com/images01/116/l_27b40d1ceabe6468c0f8866b17737dff.jpg). Beraiekin hitz egin ondoren esan didate Txopiri entzun ondoren aldatuko dutela CC by-sa izateko. Nahiz eta diskoen karatula zaharrak ezingo dituzten aldatu orrialdean ohar bat jarriko dute lizentzia berria ongi azalduz. Webgunearen ikurra ere aldatzea proposatu diet. Ea denon artean lortzen dugun kulturgileek gauzatxo hauen berri izatea eta erabilera egokia egitea. Zorionak guztiei!
    teketen (e)k bidali du duela 39 egun 4 ordu 5 minututeketen
  4. #4   Eskerrak Harrikari, Creative Commons lizentzia bat erabiltzeagatik (ez da gutxi) eta gainera librea den bat aukeratzeagatik eta gainera copyleft dena aukeratzeagatik. Musikazaleok ezin dugu gehiago eskatu!
    Txopi (e)k bidali du duela 39 egun 2 ordu 45 minutuTxopi
  5. #5   Aupa!

    Txopik arrazoi guztia zeukan eta gure lizentzia aldatu dugu. Gure web orrialdean honako albiste hau idatzi dugu.

    Albiste honekin adierazi nahi dugu gure diskaren lizentzia aldaketa. Ez jakintasunaren ondorioz gaixki aukeratu genuen lizentzia, eta honen aldaketaren berri eman nahi dizuegu. Lizentzia berria by-sa izango da. Beraz DISKAREN KONTRAPORTADAN AGERTZEN DEN LIZENTZIA BALIORIK GABE GERATZEN DA. LIZENTZIA BERRIA esan bezala honako hauda:

    http://creativecommons.org/licenses/by-sa/3.0/deed.eu
    harrika (e)k bidali du duela 38 egun 6 ordu 7 minutuharrika
iruzkinak itxita daude

Laguntza  |  kodea: lizentzia, jaitsi  |  irudien lizentzia   |  Kontaktua: kontaktua(a bildua)zabaldu.com Baliozko XHTML 1.0 Transitional kodea    Baliozko CSS kodea!   [Baliozko RSSa]