iruzkinak

1. #1   Norbaitek Gasteizko mapa hau hobetzen lagundu nahi badu, Gasteizko kaleen izenak eta zentzuak hemendik atera daitezke:
   
   http://www.vitoria-gasteiz.org/kaleizendegia
   asiersar (e)k bidali du duela 42 egun 9 ordu 9 minutu
2. #2   Aupa Asier. Lotura nik bidali nuen Sustatura, ikusi nuenean nolako lana egiten ari zaren. Zorionak!
   
   Baina kontuz erabiltzen duzun informazioarekin, iruditzen zait mapa horren egile eskubideak ez direla OpenStreetMapekin bateragarriak.
   garaolaza (e)k bidali du duela 42 egun 7 ordu 21 minutu
3. #3   Zer esan nahi duzu zehazki? Maparen lerroak zuzenean digitalizatu ditut OpenStreetMap-ek Yahoo Maps-eko irudien gainean marrazteko ematen duen aukeraren bidez. Beraz, alde horretatik ez dut uste arazorik egongo denik.
   
   Gasteizko kale izendegia erabiliz atera dudan gauza bakarra kaleen euskarazko izen ofizialak eta, kasu gutxi batzuetan, zirkulazioaren zentzua da. Ez dut uste kaleen izenek egile eskubiderik dutenik, eta zentzuek ere, ez dakit zein puntutaraino eduki dezaketen.
   asiersar (e)k bidali du duela 42 egun 6 ordu 16 minutu
4. #4   Hori bakarrik bada, nik ere interpretazio hori egin izan dut. Baina badakit OSM-ko sortzaileek gauzak estuago hartzen dituztela, eta kontuz bide horrekin.
   
   Dena dela, kaleen izenek ez dute egile eskubiderik, baina bai kaleen izenen bilketek, kaletegiek edo dena delakoek.
   
   Hau da, nik kalean "Herrandarren kalea" izena duen kartel bat ikusten badut, hori nahi dudan moduan kopiatu dezaket.
   
   Aldiz, norbaitek dokumentu bat prestatzen badu "Gasteizko kale izenen zerrenda" izenarekin, dokumentu hori jabego intelektualaren legeak babesten du, eta egilearen eskubideak babestuta daude. Norbait hori berdin da gizabanako bat, enpresa bat, edo udal bat bada, hori gutxienekoa da.
   
   Baina lege, norma ofizial edo epaiak ez ditu jabego intelektualaren legeak babesten, eta ezin da horien gaineko copyrightik ezarri.
   
   Orduan, udal batek ofizialki kaletegi bat publikatzen badu, uler daiteke "norma" bat dela (horrela ulertu dugu biok kasu honetan), baina baliteke kasu batzuetan ez asimilatzea norma moduan, eta kasu horietan egile eskubideak dituzte. Gainera, kasu askotan udalak enpresa bati esleitzen dio kaletegia egiteko lana, eta kasu horietan (ezer ez bada zehaztu) egile eskubideak enpresa horrenak dira. Absurdua dirudi, ez?
   garaolaza (e)k bidali du duela 42 egun 5 ordu 49 minutu
5. #5   "kasu askotan udalak enpresa bati esleitzen dio kaletegia egiteko lana, eta kasu horietan (ezer ez bada zehaztu) egile eskubideak enpresa horrenak dira"
   
   Kar, kar, Gasteizko Udalaren kasuan, udalak Euskaltzaindiari eskatu zion kaleen gaztelaniazko izenen euskarazko baliokidea zehaztea. Eta Euskaltzaindia azken aldian "komun kreatiboen" bidetik doala dirudi, ezta?
   
   Astelehenean bertan galdetuko dut Udalean ea kale izendegiak zein egile eskubide duen eta norenak diren eskubide horiek. Seguru erotuta banengo bezala begiratuko didatela.
   asiersar (e)k bidali du duela 42 egun 5 ordu 37 minutu
6. #6   Gaia pixka bat dokumentatzen saiatu naiz. Errorerik balego eskertuko dut zuzenketa, eta baita eztabaida ere! http://eibar.org/blogak/teknosexua/archive/2008/10/11/egile-eskubideen-zenbait-kuriositate
   garaolaza (e)k bidali du duela 42 egun 5 ordu 5 minutu
7. #7   #5: Euskaltzaindiaren datuak Creative Commons omen, bai, baina Non-Commercial baldintzarekin, eta horrek oztopatuko luke eduki libreko proiektu batean erabiltzea. Lawrence Lessig Creative Commons-en sortzailea Euskal Herrian da aste honetan. http://sustatu.com/1222358844 Hitzaldiak ez du balioko zalantza zehatzak argitzeko, baina esateko duena seguru dela inspiraziorako baliagarri.
   luistxo (e)k bidali du duela 39 egun 20 ordu 11 minutu

trackbacks

• (aipurik gabe)