Koldo Zuazok bere azken liburua plazaratu du: "Euskalkiak. Euskararen dialektoak" (Elkar, 2008; kontuz, ez nahastu aurreneko beste liburu batekin: "Euskalkiak. Herriaren lekukoak"). Hizkuntzalari eibartarrak euskalkiak azken hamarkadotan zer-nola bilakatu diren aztertu du, Ameriketan egiten den euskara barne. Dirudienez, metodologia aldaketa dakarkigu liburu honek: lehen euskalkien "argazkia" lortzeko beti hiztun zaharrenengana jotzen bazen, orain belaunaldi gazteagoak ere aintzat hartzen dira.