Madrilgo Instrukzioko 17. Epaitegiak Iñaki Uriak paratutako tortura-salaketa behin betiko artxibatzea agindu du. Uria 2003ko otsailean atxilotu zuten "Egunkaria"ren kontrako operazioan, eta beste atxilotuen antzera torturak jasan zituen guardia zibilen menpe egon bitartean. Salaketa Donostiako Instrukzioko 1. Epaitegiak onartu zuen, baita zenbait guardia zibil auzipetzea agindu ere, baina gero salaketa Madrila transferitu zuten, eta hor bertan behera geratu da.