iruzkinak

1. #1   http://www.eskunabarra.org/joseba_barandiaran/joseba_barandiaran.htm
   
   German Rodriguez Iruñean eta Joseba Barandiaran Donostian 30 urte erailak eta justiziarik gabe. Inoiz ez dugu konkistatzaileen "justiziarik" onartuko.
   Esku_nabarrak (e)k bidali du duela 95 egun 6 ordu 33 minutu
2. #2   Malkoz bustitzen den ortu
   
   hau ezin dute agortu,
   
   oraindikan zer sentitzen dugun
   
   nahi dizut aitortu:
   
   Nahiz ta nahigabea sortu
   
   zu hiltzerik ez zuten lortu,
   
   minik ez zaigu pasa nahiz eta
   
   malkoak legortu. (berriz)
   
   
   
   Ilunpean pasatako
   
   urteak ditugu asko
   
   eta oraindik beste hainbeste
   
   igaro beharko.
   
   Joseba Germanentzako
   
   gogoan zaituztegulako
   
   plaza honetan ez da sekula
   
   argirik faltako. (berriz)
   
   
   
   Doinua: Haizak hi mutil mainontzi
   Esku_nabarrak (e)k bidali du duela 95 egun 6 ordu 32 minutu
3. #3   Josebaren erailketa ez zen kasualitate izan, orain dela 25 urte ez zegoen Donostiako San Bartolome kalean kasualitatez. Josebak 19 urte zituen eta Iruineko gertakizunak (German-en erailketa) salatzeko protestatzen zuen gaztea zen. Guztiok gogoratzen dugun moduan kontzientzia antikapitalista zuen, errepresio mota guztien aurkakoa, eta hobekuntza sozial eta politikoen alde borrokatzen zuen; konprometitu zen mugimendu antinuklearrarekin, baita auzo elkartearekin eta beste hainbat giza mugimenduekin ere.
   
   
   
   Oso alaia zen Joseba, idealista eta aktiboa, arazo guztietaz kezkatzen zen, lana egiten zuen enpresetako langileen eskubideak defendatzerakoan eta baita gazte erakundeetan hauek zeuzkaten arazoei kontzientzia hartzeko ahaleginetan.
   
   
   
   Garai hartako gazteoi aldaketa politiko sakonak bizitzea tokatu zitzaigun, Euskal Herrian mugimendu izaugarria zegoen, herri bezala eskatzen genituen eskubide demokratikoak eta nazionalak frankismoaren ondorengo diktaduratik lortu behar baitziren nola edo hala.
   
   
   
   Eta hantxe zegoen Joseba, beti piketeetan, barrikadetan eta aurren-aurreneko lerroan giza-idealak defendatzen.
   
   
   
   Beti prest egoten zen juerga egiteko ere, festetako batzordeetan parte hartuz eta edozein ospakizunetan bere umore ona azalduz. Oarindik gogoratzen naiz nolako pozarekin erakutsi zigun erositako hirugarren edo laugarren eskuko "seat 850" kotxe zahar hura; uda hartan inguruko festa guztietara joan ginen. Hori bai, martxan jarri baino lehen bost duro bakoitzak gasolinarentzat, eta aldapa guztietan kotxetik jaitsi eta denok bultza.
   
   
   
   Berezia zen Joseba, bere izateko modu goxoak, bere lagunekin eta inguruko jendearekin erlazionatzeko moduak, bere elkartasunak (solidaritateak), bere etengabeko konpromezuak ahazt-ezinezko aztarna utzi digu.
   
   
   
   Ez zaitugu ahaztuko, Joseba.
   
   
   
   Joseba, German gogoan zaituztegu.
   
   
   
   Astigarragan, erailketaren 25. urteurrenean, ahazten ez zaituzten zure lagunak.
   Esku_nabarrak (e)k bidali du duela 95 egun 6 ordu 30 minutu
4. #4   http://euskalherria.indymedia.org/eu/2007/07/40560.shtml
   Esku_nabarrak (e)k bidali du duela 95 egun 6 ordu

trackbacks

• (aipurik gabe)