Joan Mari Olano, Julen Zelarain eta Aitor Jugo "ETAko buruzagitzat" jo ditu fiskalak. Beste 18 auzipeturen kontra 10 urteko eskaerei eutsi die, AAMko kide ziren heinean etakide zirela iritzita. Beste hiruren kontrako karguak atzera bota ditu: Maitane Mendez, Jorge Arredondo eta Mitxel Sarasketaren aurkakoak. Carlos Bautista fiskalaren arabera, "auzipetuek epaiketan izan duten jarrerak" argiago utzi du "erakunde terroristako kide" direla.