Iñaki Uriaren tortura auzia bere gain hartu orduko artxibatu egin du Madrilgo epaileak. Epaiketa egitea erabaki zuen Donostiako epailearen guztiz kontrako argudioak eman ditu. Donostiako epaileak tortura salaketa sinesgarria ikusi zuen lekuan, sinesgarritasunik gabeko salaketa ikusi du Madrilgo epaileak; eta Donostiako epaileak Iñaki Uria torturatzeagatik lau guardia zibil epaitzeko nahikoa arrazoi ikusi zituen lekuan, auzia besterik gabe artxibatzeko arrazoiak ikusi ditu Madrilgoak.