Astelehen goizaldetik greba mugagabeari ekitea erabaki du Sintrabi Bizkaiko garraiolarien sindikatuak. Erregaien prezioen igoerak eragiten dien kaltea salatzeko egingo dute lanuztea, eta aho batez onartu zuten atzo, egungo prezioekin eta agintariek beren aldeko neurririk hartu ezean diru galerak dituztela iritzita. Espainiako Fenadismer garraiolarien sindikatuarekin bat egingo duen Hego Euskal Herriko garraiolarien elkarte bakarra da momentuz Sintrabi.