iruzkinak

1. #1   Those who would give up Essential Liberty to purchase a little Temporary Safety, deserve neither Liberty nor Safety (Benjamin Franklin).
   janfri (e)k bidali du duela 75 egun 7 ordu 22 minutu
2. #2   A ze esaldi bikaina. Niri negargarria iruditzen zait
   iparraldeko_izar (e)k bidali du duela 75 egun 7 ordu 14 minutu
3. #3   #2 Negargarria zer, esaldia ala albistea?
   boligorria (e)k bidali du duela 75 egun 6 ordu 58 minutu
4. #4   Gerra prebentiboaren ondoren falta zitzaiguna, ikerketa prebentiboak. Terrorismoa aitzakitzat hartuta zer ez da zilegi? Zigor prebentiboak heltzear egongo dira...
   Txopi (e)k bidali du duela 75 egun 6 ordu 50 minutu
5. #5   #4 Niri kartzelan egotea epaitu baino lehen (hots, ea benetan errudun zaren jakin gabe) nahiko zigor prebentiboa dela iruditzen zait.
   janfri (e)k bidali du duela 75 egun 6 ordu 18 minutu
6. #6   Aizue, ez gaizki hartu baina, zer da zuentzat harrigarria berri honetan? Euskal Herrian horrelakoak aspalditik gertatzen dira egunero: bideo bidezko jarraipenak, mikroak kaleetan edo etxeetako lur eta zapaietan, autoetan jarritako jarraipen sistemak, atxiloketa inkomunikatuak, ...
   kokoteraino (e)k bidali du duela 75 egun 6 ordu 8 minutu
7. #7   #6 Arrazoi osoa, baina kontua da, beste leku batzutan munduan (Israel da eredurik aipagarriena) hemen baino kontrol sozial askoz handiagoa dagoela. Eta ezer ez bada egiten, gaur egungo Israel, biharko Euskal Herria izango da.
   janfri (e)k bidali du duela 75 egun 6 ordu 1 minutu
8. #8   #7 Ba nire ustez gizarte kontrola guztiz globalizatu den zeozer da gaur egun, ez dut uste Israelgo gizarte kontrola Euskal Herrian baino handiagoa edo txikiagoa denik. Ezberdina agian. Gainera, "sare sozialen" asmakizunarekin, askotan gu geu gara anaia handiari informazioa ematen diogunak.
   
   Azken finean pasaportea, nortasun agiria, kreditu txartelak, telefono eramangarria, ... guzti horiekin gure nondik norakoen informazio itzela lor dezakete. Honez gain, facebook-en gure nondik norakoak ematen baditugu, flickerren argazkiak igotzen baditugu eta twiterren zer egiten ari garen kontatzen badugu anaia handiaren laguntzaileak lan gabe geldituko dira laster, guk egingo baitiegu lana. Gehitu honi estatuek beren artean pasatzen duten informazioa eta, akabo!
   kokoteraino (e)k bidali du duela 75 egun 5 ordu 55 minutu
9. #9   beharbada, lege bihurtze hutsak (lege, ez praktika "ilegal" sistematikoak) beste pausu bat ematea esan nahi du.
   
   alemania bezalako "estatu aurrerakoia", "eskubideen bermatzailea" (holokaustotik ikasi zutelakoan nengoen...) etab., holakoak legeztatzen hasten bada (berriro diot, ez praktikatzen soilik), zer egingo du espainiak? eta frantziako "gobernu aurrerakoiak", jakina.
   naroa (e)k bidali du duela 75 egun 5 ordu 51 minutu
10. #10   Euskaraz Anaia Handia beharrean Anaia Nagusia dela uste dut.
    jurgi (e)k bidali du duela 75 egun 5 ordu 47 minutu
11. #11   #9 Bueno, Alemania "estatu aurrerakoia" dela esatea ere gehiegitxo esatea iruditzen zait. Galdegiezu Baader-Meinhof-ekoei, nola "bere burua hil zieten":
    
    http://es.wikipedia.org/wiki/Fracci%C3%B3n_del_Ej%C3%A9rcito_Rojo
    
    Espainian, terrorismoagatik salatutakoek eskubide gabe 72 ordu bahituta mantentzea legala da...
    kokoteraino (e)k bidali du duela 75 egun 5 ordu 45 minutu
12. #12   #7 Egia da gizarte globalizatuan bizi garela, baina uste dut badaudela lekuak non kontrol soziala ez den berdina: Txina edo Finlandia, Israel edo Kanada. EHri dagokionez, diodana da kontrol soziala ez dela ahal izango litzatekeen (edo batzuk nahiko luketen) guztia, nahiz eta horrek ez esan itogarria ez denik.
    
    #9 Arrazoia duzu Naroa, agian pausu kuantitatibo handia ez den, kualitatiboki oso garrantzitsua da, zilegitasuna ematen baitio orain arte zilegigabea zen zerbaiti.
    janfri (e)k bidali du duela 75 egun 5 ordu 45 minutu
13. #13   #12 Bai, Janfri, ulertu dut esan nahi zenuena. Besterik gabe, guk "normaltzat" edo "onargarritzat" asumituta ditugun gauza batzuk horrela ez zaizkidala iruditzen esan nahi nuen.
    kokoteraino (e)k bidali du duela 75 egun 5 ordu 41 minutu
14. #14   #2 albistea, noski, esaldia oso ona da
    iparraldeko_izar (e)k bidali du duela 75 egun 5 ordu
15. #15   #8 Ados nago sare sozialeetako partehartzetik norberaren bizitzari buruzko datuak atera edo "deduzitu" ditzakeela boterea eta baliabide egokiak dituen batek, baina ez zait iruditzen konpara daitekeenik nortasun agiri, kreditu txartel eta abarren bidezko informazioarekin. Azken hauetatik ateratako datuak zalantzarik ez dute uzten norenak diren, eta oso datu identifikagarriak dira (soldatak, ordainketak, helbideak, lantokiak, telefono-deiak, eta beste hainbat), eta ez daukagu horiek ezkutatzerik (alderantziz, zenbaki horiek "eman" beharra dugu bizi ahal izateko, ia-ia).
    
    Internet bidezko partehartzeetako datuak, berriz, askoz lausoagoak dira: gezurrezkoak izan daitezke, oso sakabanaturik daude, zalantzagarri izan daiteke benetan nork ipini/idatzi/bidali dituen, eta norberak horretan arreta jarriz gero, oso zaila izan daiteke egilea nor den/non den jakitea. Bide batez, iruditzen zait sare sozialetan parte hartzen dugunok, orohar, behar baino gutxiago dakigula gai hauetaz (nik neuk behintzat oso gutxi): zer egin dezakegun / zer egin "dezaketen".
    xabidu (e)k bidali du duela 75 egun 1 ordu 51 minutu
16. #16   Ez da soilik Alemanian, Suedian ere horretan ei dagoz: http://www.theinquirer.es/2008/06/05/suecia_podria_aprobar_una_ley_draconiana_de_seguimiento_de_los_correos_electronicos.html
    
    Espainiar estatuan ere gertatu berri diren bi atxiloketa beste urrats bat dira:
    
    http://www.lahaine.org/index.php?blog=2&title=apologia_de_la_coaccion
    
    Nire ustez, galdera da "zergatik orain?" Eta zuzen lotzen dut hau guztia gorpuzten ari den makrokrisi mundialarekin. Nago makrokrisi honek badituela ezaugarri batzuk beste inoiz gertatu ez direnak, esaterako, orokorra dela (ekosistema gehienen kolapsoa, balizko klima beroketaren ondorioak, lehengai oinarrizkoen agortze tasa, kapitalisten mozkin-tasaren gainbehera iraunkorra,... eta batez ere, alor guzti-guztiei zuzen eta itzel eragiten dien energia merke eta ugariaren -erregai fosiletan oinarritutakoa eta geure sistema mundializatu honi honaino iristeko ezinbesteko suertatutakoa, hain zuzen- akabera. Labur esatearren, kapistalismoaren totem ideologikoa den hazkunde etengabea talka egiten ari da buruz buru planeta mugatu baten mugekin. Eta esan ohi denez: "eztagon lekutik, ezin atera"
    
    Honek ataka interesgarri bezain arriskutsuan jartzen gaitu gizateria oro har eta sistema kapitalista batik bat; eta banago estatu kapitalista nagusiak prestatzen ari direla (2001ko iraila data gakoa da nire ustetan) aurreikusten dituzten gatazka sozial hazkorrak hala edo hola gobernatzeko.
    
    Eskerrak giza adimena eta askatasun nahiz justizia grina ahaltsuagoak diren!
    
    Besarkada bana eta eutsi goiari!
    tusfo (e)k bidali du duela 75 egun 1 ordu 19 minutu

trackbacks

• (aipurik gabe)