iruzkinak

1. #1   Bdirudi eitb24.com-eko euskarazko kazetari-itzultzaileak jaieguna daukatela gaur, euskarazko bertsioan oraindik (goizeko hamaikak) ez baita ageri albiste hau. Ingeles eta frantses hiztunek, berriz, zortea izan dute, bertsio horietan bai agertzen dela albistea.
   asiersar (e)k bidali du duela 80 egun 7 ordu 25 minutu
2. #2   #1 Badirudi biharamuna pasa zaiela eta azkenean jarri dutela: http://www.eitb24.com/berria/eu/B24_100338/politika/ATENTATUA-Euskal-an-lanean-ari-den-enpresa-bati-eraso-egin/
   kokoteraino (e)k bidali du duela 80 egun 5 ordu 20 minutu
3. #3   Modu ezin hobea aurkitu du ETAk AHTaren aurkako mugimendu guztia pikutara bidaltzeko, bai horixe. Zorionak The Organization-i.
   inaxioa (e)k bidali du duela 80 egun 28 minutu
4. #4   #3 ETAk ez du galdu AHT-aren aurkako borroka bere onerako erabiltzeko aukera. Bere tutoretza behar dugula "pentsatuko" du Euskal Herria bere biztanleek nahi duten moduan eraikitzeko.
   kokoteraino (e)k bidali du duela 79 egun 23 ordu 45 minutu
5. #5   Erlazionatua: http://www.zabaldu.com/4011/quotahtren_aurkako_jarrera_zilegiak_ez_du_justifikatzen_bortxakeriaquot/
   kokoteraino (e)k bidali du duela 79 egun 23 ordu 40 minutu
6. #6   #3 eta #4: Ozenago esatea bazeok, ez aldiz argiago.
   
   Kuriosoa da ETAk lehergailu hori nazional mailako manifaren ondoren 8 orduetara jarri izana.
   xa_2 (e)k bidali du duela 79 egun 23 ordu 9 minutu
7. #7   Baten batek uste al du kasualitatea dela hain justu AHTaren aurka larunbatean Donostian egindako manifestazio jendetsuaren ondoren bonba bat jartzea, AHTaren eraikuntzan parte hartzen ari den enpresa baten kontra? Aurretik jarritako bi bonbak ez zituen bere gain hartu ETAk ostiralean argitaratutako agirian, baina beste bonba guztiak bai, beste kasualitate bat? Ostiralean, ABC Egunkarian informazio pozointsua argitaratzen zen AHTaren aurkako oposizioaren inguruan, eta hor agertzen zen AHTaren aurkako kartel bat, AHT Gelditu! Elkarlanak sinatuta, ba kartel hori ez zuen AHT Gelditu! Elkarlanak argitaratu, soilik kartelaren egilearen emailan zegoen Elkarlanak sinatuta, BESTE kasualitatea!!! Nik uste dut hiru kasualitateak epe hain laburrean gehiegi direla. Beraz, kontuz ibili behar delakoan nago. Hala ere, ETA izan bada AHTaren aurkako borrokari inolako mesederik ez diola egin uste dut.
   shevek (e)k bidali du duela 79 egun 22 ordu 46 minutu
8. #8   mesede egiten ote dion luzera begira ikusiko da, eta ez beroan... remember lemoiz. herri borroka bat egoten den bakoitzean borroka armatu bat ezin bada egon agian Itoitzen bezala gertatuko da, eta ohartzerako trena martxan dago.
   Theklan (e)k bidali du duela 79 egun 21 ordu 4 minutu
9. #9   #8 Lemoizko borroka idealizatzen duzuenok "trantsizioa" idealizatzen duten horiek gogorarazten didazue. #5ean jarri dudan albistean erantzun nizun nola ikusten dudan nik "epe luzera" nola amaitu zen borroka hura.
   
   Epe luzera itxaron behar al dugu batzuk aspaldidanik daramagun borrokan ETA sartzerik nahi ez dugula esateko? Ez dugula guk zer nahi dugun edo zer ez, zer komeni zaigun eta zer ez, erabakitzerik onartzen? Ez ditzala behintzat bere bonbak nire izenean eta nire "onerako" erabili. Nik horrelako "herri eraikuntzarik" ez dut nahi.
   kokoteraino (e)k bidali du duela 79 egun 20 ordu 26 minutu
10. #10   #8 Leizaranen ere bonbak jarri zituen ETAk, eta Leizaran egin egin zen. AHT justifikatzeko, besteak beste, Madrilgo eta Gasteizeko gobernuek eta beren hedabideek oposizioa kriminalizatuko dute, eta kriminalizatzen ari dira (Vocentoko hedabideek kanpaina luzea daramate, beste hainbat gauzekin bezala), baina ETAren ekimenen bidez kriminalizazio hori erraztuko da, eta agian baita proiektu honen aurka egon daitezkeen sektore batzuen desmobilizazioa ere lortuko dute.
    shevek (e)k bidali du duela 79 egun 19 ordu 16 minutu
11. #11   Oraingo garai politikoak ez dira Lemoizkoa gertatu zenean bezalakoak, ezta auziaren muina ere.
    
    Lemoizen kontrako benetako herri mugimendua zegoen, jendeari benetan beldurra ematen baitzion, trantsizio politikoan Espainiako gobernuak sinesgarritasun txikia zuen eta ETAren indarra eta gizarte euskarria handia zen.
    
    AHTren kontrako lau katu gaude, jende gehienak AHTa nahi du, ETA lau katu dira eta beste lau katu bere alde, eta Espainiako gobernuak 20 urte daramatza ETA bere probetxurako erabiltzen, eta AHTren kasuan ere egingo du.
    
    ETAren esku hartzeak AHTaren aurkako jarrera ahuldu besterik ez du egiten.
    asiersar (e)k bidali du duela 79 egun 19 ordu 11 minutu
12. #12   Nik ez dut horrela izango dela uste. Lehenengo eta behin Lemoizen zegoen aurkakotasuna eta AHTarekin daudena ez dira oso ezberdinak, nahiz eta egia den garai haietan alderdi politiko gehiago zeudela eta giroa pil-pilean zegoen. AHTaren aurka ez daude lau katu, froga atzo Donostian. AHTa igaroko den herrietan jendea ez dago alde bereziki, eta inkestek diotenez hirietan jendea alde egon daiteke, baina informaziorik ez duelako.
    
    ETAk ez ditu alde lau katu ere, froga urteak daramatzala ekintzetan eta ez dela desagertzen. Beraz norbait AHTaren alde jarriko bada ETA aurka dagoelako, bere printzipioak zeintzuk diren berrikusi beharko lituzke.
    Theklan (e)k bidali du duela 79 egun 18 ordu 36 minutu
13. #13   Ez dut uste AHTaren aurka lau katu gaudenik. Arrasaten 15000 lagun egon ginen, eta Donostian ez dakit kopuru zehatza, baina zihur jende pilo bat. Jende gehiena horren alde baldin badago da egitasmo honek zertan datzan ez dakielako, egitasmo honek izango dituen ondorioak ezagutzen ez dituelako.
    shevek (e)k bidali du duela 79 egun 16 ordu 52 minutu
14. #14   ETAk soilik horrelako ekintzak eginen balitu...
    Amonamantangorri (e)k bidali du duela 79 egun 14 ordu 44 minutu
15. #15   #13 Arrasaten 15.000 lagun.
    
    1977ko uztailaren 14, 150.000 lagun Bilbon.
    
    http://www.mundurat.net/lemoiz/1977/1977-2.html.
    
    1978ko martxoaren 12, 100.000 lagun Lemoizen.
    
    http://www.mundurat.net/lemoiz/1978/1978-3.html
    
    1979ko apirilaren 27, 100.000 lagun Bilbon.
    
    http://www.mundurat.net/lemoiz/1979/1979-2.html
    
    Lau katu.
    
    #10 Bai, honek Leitzaranen kasuaren antz handiagoa dauka.
    asiersar (e)k bidali du duela 79 egun 9 ordu 49 minutu
16. #16   Hombre noski Lemoizen aurkako mobilizazioak ez direla egongo baina es ke garai politiko ezberdinak dira. Gaur egun ezinezkoa da 100000 lagun egotea edozein mobilizazioan, ez bakarrik AHTaren aurkakoetan, baina 15000 pertsona kopuru garrantzitsua dela kontutan hartu behar dugu, Eusko Jaurlaritzak ia ia kopuru berbera mobilizatu zuen Ibarretxe bera babesteko.
    shevek (e)k bidali du duela 79 egun 8 ordu 10 minutu
17. #17   #15 - Data solteekin ezin duzu alderatu. Alderatu behar duzuna borroka faseen arabera da beti. Hau da, Lemoizko zentral nuklearra irekiko zela jakin zenean zenbat jende ote zegoen mobilizazioetan eta AHTa egingo ote dutela jakiterakoan zenbat jend dagoen.
    
    Hemendik urte batzuetara, ziuraski AHTaren obrak aurreratuagoak daudenean, jende gehiago bilduko da manifestalditan.
    
    Bestalde Lemoizko lehenengo manifestalditan PSOE ere aurka agertzen zen eta trantsizioaren mobilizazio osoen baitan kokatu behar ditugu. Hau da, jendea ez zen bakarrik Lemoizengatik irtetzen, baita alderdi politikoak indartzeko.
    
    Hala ere ETA kritikatzea erraza da, alde hitz egitea, baita interneten ere, Auzitegi Nazionalera eraman ahal zaitu. Hori kontutan hartu behar da beti horrelako eztabaida batean ETAk egiten duen onura/kaltea eztabaidatu nahiko bagenu, ezin dela libreki pentsatzen dena adierazi.
    Theklan (e)k bidali du duela 79 egun 7 ordu 50 minutu
18. #18   Beno, ez naiz gehiago luzatuko Lemoizen kontuan, nahi duenak ikus dezala, kokoterainok zabalduko beste hari baten eman duen helbide horretan Lemoizen aurkako mobilizazio guztien zerrenda ageri da:
    
    http://www.mundurat.net/lemoiz
    
    ETAren 40 urteko balantzearen inguruan, Sustatun (http://sustatu.com/1181024462) esan nuena kopiatuko dut:
    
    "Azken 40 urteetan ETAk ezker abertzalea bahituta edukitzeagatik lortu ez diren gauzak:
    
    - nire alaba medikuarenera eramaterakoan, medikua euskalduna litzateke
    
    - UPV/EHUk bost urte barru irakasleen %43 euskalduna izango dela agindu ordez, %70 izango litzateke
    
    - euskarazko hiru telebista kate, ETB1, ETB2 eta ETB3, edukiko nituzke
    
    - ez litzateke hauetako ezer egongo:
    
    > -Milaka eta milaka erbesteratu
    
    > -Ehundaka pertsona kartzelatan zear ilegalki sakabanatuak
    
    > -Milaka herritar inongo ahotsik gabe, lege antidemokratiko batengatik.
    
    > -Milaka euskal familiei diru zor ikaragarriak
    
    > _hainbat eta hainbat errugabe torturatu eta urte askotarako kartzeleratuak
    
    ETAk ezkerrekoa eta abertzalea sentitzen den euskal gizartearen %20a (edo gehiago duela 40 urte) indargabetuta eduki du, eta tamalez oraindik denbora batez edukiko du."
    asiersar (e)k bidali du duela 79 egun 7 ordu 12 minutu
19. #19   #18 eta nork esaten du hori dena edukiko zenukela?? eta nork esaten du ez zenukela gutxiago edukiko?? Suposaketa errezak egiten dituzu... Nik ez dut berdin ikusten...
    ZaPo (e)k bidali du duela 79 egun 6 ordu 59 minutu
20. #20   Lehenik eta behin, pozten naiz Zabaldun azkenaldian sortzen ari diren eztabaidak direla-eta, sarean euskal komunitate handi, plural eta partehartzailea dagoen seinale.
    
    #16 Garai politikoak desberdinak dira, egia. Agian hausnartu beharko litzake ea zergatik gaur egun ez dagoen mobilizazioetarako horrenbesteko gaitasunik, izpiritu militantea gero eta urriagoa den... Jendea komodoagoa da? Borroka armatuak zerikusirik izan al du? Porroek?
    
    #17 Argi dago adierazpen-askatasuna baldintzaturik dagoela eta beraz eztabaida ez dela simetrikoa, ETAren aldekoek zailago izango luketela iritzia plazaratzeko. Beraz, kontuz ibiltzea komeni da, guztion aldetik. Ez naiz ETA bai edo ETA ez eztabaidan, ez dudalako gustuko, baina uste dut Theklanek egindako apuntea ere kontuan hartzekoa dela.
    janfri (e)k bidali du duela 79 egun 6 ordu 55 minutu
21. #21   #18 Asiersar. Hori ez dakigu... ETAk gauza asko baldintzatu dituelakoan ados egon gaitezke, onerako zein txarrerako. Baina hortik guzti hori gauzatuko litzatekeela esatera, badago desberdintasuna! Jarrai genezake ildo horretatik eta suposatu zer gertatuko litzatekeen Errepublikak gerra zibila irabazi balu, txapelgorriek gerra karlistetariko bat irabaziko balute edota Athleticek Txanpionsa irabazi balu bertara klasifikatu zenean.
    
    Suposizioak dira, eta ondo daude amets egiteko, baina ez dago inolako oinarririk, gaur egun ditugun gabezia eta oparotasunak gauza bati bakarrik leporatzeko, faktoreak asko baitira.
    janfri (e)k bidali du duela 79 egun 6 ordu 47 minutu
22. #22   #18 Horrelako afirmazioak esatearekin kontuz. Ze nik, agian, beste hauekin erantzun nezakeen:
    
    - ETA existitu izan ez balitz Carrero Blanco litzateke estatuburua urte batzuetan bederen, eta, beraz, euskararen berreskuratzeak denbora gehiago beharko luke.
    
    - ETA existitu ez balitz bere Fronte Kulturalak ez lituzke lehenengo ikastolak edo UEU bera ere bultzatuko eta, beraz, agian euskaradun gutxiago egongo lirateke.
    
    - ETA existitu ez balitz Lemoizen, Deban, Ispasterren eta Tuteran zentral nuklear bana edukiko genituzke.
    
    - ETA existitu ez balitz, Arzalluzek bere biografian dioen bezala, PNVk ez luke izango zer kudeatu, lorpen gehienak bere ekintzari beldur direlako izan baitira.
    
    - ETA existitu ez balitz baliteke Euskal Herriko ezkerreko mugimenduak molekula askotan ezberdintzea. Hori gertatu zen, besteak beste, Katalunian "Terra Lliure" osoa desegin zutenean.
    
    Baina esan bezala ez dut horrela erantzungo, delitua baita hori guztia esatea.
    Theklan (e)k bidali du duela 79 egun 6 ordu 43 minutu
23. #23   #7 Ez dut ulertzen zer esan nahi duzun:
    
    "...soilik kartelaren egilearen emailan zegoen Elkarlanak sinatuta,"
    xa_2 (e)k bidali du duela 79 egun 5 ordu 58 minutu
24. #24   #20 Nire ustez, arrazoi ezberdinak egon daitezke. Borroka armatua horietariko bat izan daiteke, baina ez dut uste arrazoi nagusia denik, desmobilizazioa gauza orokorra baita ia ia Mendebaldeko Europa osoan, baita Estatu Espainolean ere. Beste arrazoiak izan daitezke erosotasuna, indibidualismoa pixkanaka pixkanaka sartzen ari dela gure gizarteetan, dezepzioak (ikusten duzunean borrokek porrot egiten dutela horrek eragina badauka), etabar.
    shevek (e)k bidali du duela 79 egun 5 ordu 58 minutu
25. #25   #23 Ba kartel hori ez zutela inprimatu Elkarlanaren logoarekin, Elkarlanakoak ados ez zeudelako, beraz ez zen publikoa izan. Kartelaren egileak kartel horren zirriborroa bidali zuen emailez, eta bapatean, aste bat beranduago, egunkari batean agertu zen.
    shevek (e)k bidali du duela 79 egun 5 ordu 55 minutu
26. #26   Eman ditudan goiko adibideetan, ideia bat azaleratu nahi nuen: ETAk ezker abertzalearen indar politikoa indargabetuta eduki du 40 urtez, eta hori ekintza instituzionalean nabaritu da, euskal kulturarekiko askotan epela izan den EAJren eta aurkakoa den PSEren eskuetan utzi baitu.
    
    Gizartearen %20aren eragin instituzionala, euskararen eta euskal kulturaren aldekoena dena, indargabetuta.
    
    Noski, inork ez daki zer gertatuko zatekeen gauzak beste modu batekoak izango balira, baina suposizio batzuk beste batzuk baino sinesgarritasun handiagoa daukate.
    
    #22 Theklan:
    
    -Ez nahastu ETA eta ikastolak, ikastolen mugimenduaren jatorriak XX. mende hasieran eta errepublika garaian daude. ETAk ikastolen eta UEUren sorreran eragina izan zuela? Nondik dator informazio hori?
    
    -Zentral nuklearren aldeko mugimendua munduko leku askotan paralizatu zen 70eko eta 80ko hamarkadan, ez soilik Euskal Herrian. ETAk Lemoizen paralizazioan eragina izan zuen, baina oso txikia, herri mugimenduak eta orduko testuinguru energetikoak baino txikiagoa.
    
    -PNVk Gobernuan 25 urtez egin duena ETAri esker izan dela esatea gehiegikeria da. Eta seguru nago ezker abertzaleak gobernu horretan parte hartu izan balu (besterik ez bada, parlamentura joan izan balitz!), askoz gehiago lortuko zela.
    asiersar (e)k bidali du duela 79 egun 3 ordu 22 minutu
27. #27   Esan diren gauzak oso aberasgarriak iruditzen zaizkit, alde guztietakoak. Mala letxea eta rollo txarra pixkat jeitsi eta gai batez lasai hizketan ari gara, eta hori Zabaldu bezalako tokiei esker da.
    
    "ETAk ezker abertzalearen indar politikoa indargabetuta eduki duela" esatean, uste dut ez garela konturatzen zeinen osasuntsu gauden gure inguruarekin konparatuta. Europa mendebaleko alderdi komunisten eta orohar ezker osoaren egoera penagarria ikusita (ikusi PCE eta Comisones Obreras)... Pentsa, hemen mugimendu politiko batek, hain juxtu hogeita hamar urtez terroristatzat, faxistatzat, totalitariotzat hartua izan eta alde guztietatik egurra jaso duenak, bere indarra mantentzea lortu du eta ez da hamaika eszisio txikitan desegin. Nolako indarra dute orain LKI, EMK, EE, Autonomo eta abarrak? Beste kontu bat da mugimendu politiko horretaz izan dezakegun iritzia (eta nik botila erdi hutsik ikusi ohi dut gehienetan), baina justiziazkoa da hori onartzea.
    
    Irrati libreak, hamaika kontutarako sortutako plataforma eta batzordeak, Egin, Gara eta Egunkaria bezalako hedabideak (eta ikastolak eta UEU ere bai, Asiersar), horrelakoak oso-oso eszepzionalak dira Europan. Eta igual ausartzen naiz esatera: ETAk ez du hori hainbeste oztopatu; ETA da "eferbeszentzia" eta bizitasun horren aldeetako bat, horren guztiaren sektore erradikalena (eta intransigenteena eta itxiena).
    
    Eta Asiersar: Autonomia Estatutua hein batean ETAren (antzinako bi ETA haien) presioari esker izan zela ez du Theklanek esan, Arzalluzek esana da. Gogoratu, ETA (pm)-ren kanpaina armatu batzuk autonomia estatutuaren alde egin zirela.
    Amonamantangorri (e)k bidali du duela 79 egun 49 minutu
28. #28   #22 Theklan, zure iruzkina irakurtzean El Mundo edo Copeko testu bat zela uste nuen. ETA eta ikastolak nahasten? ETA eta ezker abertzale politikoa? Horrenbeste ohitu gara Garzonen autoetara ezen orain sinistu ere egiten baititugula?
    
    Ondo dago AHTren aurka egotea, baina ez AHTaren aurkako borroka horrenbeste idealizatzea. Lau katu daude (gaude) AHTren aurka, eta kontrakoa pentsatzea munduaren zilborra garela ustea da. Asko kritikatu da Jaurlaritzaren informazio falta (eta arrazoi osoz, gainera), baina AHTren aurkakoek ere ez dute informazio askorik eman. Askoren ahotan ez dut benetako arrazoi interesgarri bat entzun Euskal Y-a kaltegarria dela sinisteko. Ingurumenaren kaltea da gehien errepikatzen dena, baina niri argudio hori hipokrita iruditzen zait. Euskal Herria gune berde eta menditsua da, eta edozein errepide, bide, trenbide, etxe edo kale eraikitzea, berez, kaltegarria da ingurumenarentzat. Baina guztiok nahi ditugu errepideak, trenbideak, kaleak eta etxeak. Ez? Hala norbaitek nahiago du Bilbo eta Donostia artean errepiderik eta trenbiderik ez egotea?
    
    Ni AHTren aurka nago merkantziak garraiatzeko trena izango delako. Hiruburuetako biztanleek baino ezingo baitute erabili, tartean dauden herrietan ez baita geltokirik egongo. Baina, hala ere, AHTren aurka dauden gehienek argudio txarrak erabiltzen dituzte kritikak egiteko. Askok proiektua PNVrena delako kritikatzen dutela dirudi, zentzudun argudio gutxi entzun baititut gehinen ahotan.
    
    Zentral nuklearraren aurkako borroka herri guztiaren borroka zen, denak batuta zeudelako helburu horren alde. Baina AHTren aurkako borroka, tamalez, borroka politikoa da. Eta jendea nazkatuta eta aspertuta dago jada kontu politikoetaz.
    Unax (e)k bidali du duela 78 egun 22 ordu 8 minutu
29. #29   #28 "...Askoren ahotan ez dut benetako arrazoi interesgarri bat entzun Euskal Y-a kaltegarria dela sinisteko. Ingurumenaren kaltea da gehien errepikatzen dena, baina niri argudio hori hipokrita iruditzen zait. Euskal Herria gune berde eta m..."
    
    Hemen badek txosten ederra: http://www.ahtgelditu.org/dokumentuak/informe_bermejo_es.pdf
    
    "...Baina, hala ere, AHTren aurka dauden gehienek argudio txarrak erabiltzen dituzte kritikak egiteko. Askok proiektua PNVrena delako kritikatzen dutela dirudi, zentzudun argudio gutxi entzun baititut gehinen ahotan."
    
    Zoritxarrez egia da. AHTaren aurkako lana eta esfortzua saltzen pattal ibili da oposizioa orokorrean.
    
    "...Baina AHTren aurkako borroka, tamalez, borroka politikoa da. Eta jendea nazkatuta eta aspertuta dago jada kontu politikoetaz."
    
    Herri honen madarikazioa da hori, izan zure portaleko bizilagunen bilera bat, edo non egiten dituzun erosketak, edo umeak nora daramatzu ikastera... dena politizatzen da/dugu ta azkenean kokoteraino bukatzen duzu hainbesteko politizazioz. Ta AHTaren gatazka politizazioaz ez da salbatu.
    xa_2 (e)k bidali du duela 78 egun 20 ordu 36 minutu
30. #30   #28, Unax.
    
    ETAren V. asanbladaren II. partea. Apendice Cuarto. III - Las formas de la Estrategia. 1) Frente Cultural.
    
    "Este frente es peculiar de los paises colonizados. En nuestro caso, el elemento del euskara es el Frente Cultural. El fin estratégico del euskara es resaltar claramente la diferenciacion nacional. La reactivacion de de este Frente Cultural tiene la mayor importancia ya que, al proporcionar una clara conciencia nacional, a traves del euskara, garantiza el no caer en plateamientos "izquierdistas" anti-revolucionarios.
    
    Sin embargo, el euskara no es un fin en si mismo, sino que deber ser el instrumento para desarrollar una cultura popular vasca y ser, asi, un arma más para acabar con las alienaciones de todo tipo que pesan actualmente sobre el Pueblo Vasco.
    
    La euskerización como primer paso para la revolución cultural vasca debe ser:
    
    - A escala de ETA: total, como ejemplo y efectividad.
    
    - A escala popular: devolver el euskara al Pueblo Vasco es devolverle sus propioes esquemas mentales nacionales.
    
    Para desarrollar este Frente Cultural:
    
    -Controlar ikastolas, etc...
    
    -Unificación euskara (euskaldun berris)
    
    -Traducciones de otros idiomas (ni español ni frances) como ingles, aleman, etc.
    
    -Desarrollar actividades marginales tales como grupos folkloricos, teatrales, etc... en las que se tendera a presentar cosas modernas, progresistas, que aumente la combatibilidad popular.
    
    Todas estas tareas han de ser desarrolladas por adherentes a la organización juntamente con la Oficina Paralela"
    
    Iturria: Euskal Herria eta Askatasuna entziklopedia.
    
    - Gurutz Jauregi:
    
    "ETA juega un papel muy importante en el proceso de renovación cultural, y en tal sentido cabe afrimar que el regeneracionismo nacionalista que impregna toda su actividad constituye un importante factor de conciencación o, en algun caso, de renovación de conciencias adormiladas, que hace posible la recuperación cultural del pueblo vasco. El papel de ETA va mas lejos todavia en la medida en que sus escritos, sus proclamas y, en general, su actitud global constituyen un apoyo incondicional a ese proceso renovador."
    
    Irakaskintza euskeraz: ikastola eta bere problematika. 1972. ETA.
    
    "Un analisis a secas sobre si la ikastola es burguesa o revolucionarioa, a pesar de su apariencia cientifica, no constituye sino un analisis totalmente metafisico, al no tener en cuenta las fuerzas en conflicto en la socedad vasca".
    
    Hautsi. ETA, 1973.
    
    "...aunque el objeto inicial de las ikastolas primarias sea la conservacion del eusera, las condiciones de clandestinidad en que se desenvuelven, la ausencia de todo programa o reglamentacion formal, el grado de conciencia politica de los profesores... (...) favorece la politización de las ikastolas, que llegan a ser refugio de la contestacion total al sistema oficial, pasando de este modo a ocupar una plaza privilegiada en el frente cultural e ideologico de Euskadi contra el regimen franquista."
    
    ETAren lehenengo Biltzarra. Euzkadi ta Azkatazuna, Zuzenbide.
    
    "Jakintzari buruz, E.T.A.'k, ondorengo puntu auek artzen ditu gidaritzat:
    
    Gure Aberriaren izkuntza bakarra euskara da. Euskera billakatu bear da kondairan zear izandakoa;ots; euskaldun guzien mintzabidea. Euskal Erresuman euskerak ez bestek izango ditu lehentasunaren eta ofizialtasnaren laguntzak. Ala ere, gaurko izkuntza-egoera kontutan arturik, iru-mintzairatza onartuko litzake oraingoz.
    
    Euskal Unibertsidades sortuko da. Onek presunaren oneta, eta Aberriaren iratzartzean biziki lagunduko du."
    
    HAu momentuz ikastolak eta UEUren sorrerari eta bultzadari dagokionez. Afaltzera noa.
    Theklan (e)k bidali du duela 78 egun 20 ordu 30 minutu
31. #31   Testu horietan ikusten dudan gauza bakarra da ETAk ikastolen mugimendua kontrolatzeko eta bere helburuetarako aprobetxatzeko nahia. Izainen modura, herri mugimendu bat bereganatzeko nahia. Ez dut ikusten ETAren inolako ekarpenik ikastolen mugimendura.
    
    "-Controlar ikastolas, etc...
    
    -Unificación euskara (euskaldun berris)"
    
    Ah bai, euskara batua ere ETAren eraginez sortu zen.
    
    Garzon horren oso antzeko testuetan oinarritzen da Egunkaria bezalako proiektuak ETArenak direla esateko.
    asiersar (e)k bidali du duela 78 egun 20 ordu 3 minutu
32. #32   Bai, noski. Testuak esisititzen direlako. Ikastolek hori V. asanbladan erabaki zuten. Eta nik ez diot ETAk ikastolak kontrolatzen dituenik, noski, baizik eta bere hasieran mugimendu hori indartzea garrantzitsua zela. Ohartu txostenaren I atala dela, eta fronte militarra IIIa da.
    
    Eta aparte nik ez dut esan ETAri esker dagoela autonomia estatutua, noski. Baina Arzalluzek hala dio bere biografian, ahu da, "egia al da ETAk zuhaitza mugitu eta zuek intxaurrak jasotzne dituela" galderari baiezkoa esaten du, ETAk lorpen asko egin dituela eta PNVk horiek gestionatzen dituela, ezker abertzaleak ez baitaki lortu dituen gauzak finkatzen eta beti dabilelako beste zerbaiten bila.
    
    Bide batez, euskara batua ez zen ETAren eraginez sortu, baina beraren sorreran eta garapenean egon ziren asko (Txillardegi, Krutwig) ETAren zuzendaritzaren kide ziren. Eta bere erakundean erabaki bazuten euskara batua indartzea eta eurek lan hori egiten bazuten, suposa daiteke ETAren aginduz egiten zutela, eurek zirelako zuzendaritza.
    
    Garzonek hori erabiltzeak ez du esan nahi testuak ez direla existitzen. Eta Egunkariaren kasuan ez dago inongo testurik Egunkaria sortu behar dela dioenik... testu hauek 40 urte dituzte eta mesedez, ez nahastu nik esandakoa.
    
    Aio!
    Theklan (e)k bidali du duela 78 egun 19 ordu 25 minutu
33. #33   Esan diren gauza batzuek beste norbaitek esandakoa oroitarazi didate, eta ez dut inor mindu nahi: Perez-Nievas Nafarroako hezkuntza kontseilariak Berriako elkarrizketa batean perla hauxe bota zuen: "Euskal Autonomia Erkidegoa esistituko ez balitz, Nafarroan 100%ek euskaraz jakingo luke". Eta eskerrak ez zuen "Euskal Autonomia Erkidegoa" esan beharrean ETA esan. Deskuidatuz gero, igual esan ez, baina pentsatu ere egin zuen...
    
    Eta ukitu den azken gaiaren inguruan: Kontu hori ez dut uste horren zuri-beltzekoa denik. Ikastolen mugimendua ez zuen ETAk sortu, baina urruti ere ez zen ibili (II Errepublikako eskolak aurrekaritzat har daitezke, baina ez dute zer ikustekorik geroagoko ikastolekin). Ez erakunde moduan, baina bai gizabanakoen parte hartzeagatik, eta horrek ez du esan nahi andereño denak etakideak zirenik. Asiersarek kritikatu egiten du garai hartako ETAk ikastolak kontrolatu nahi izatea: Bai, baina hori denek egin nahi zuten: PNVkoek, txinoek, troskoek eta EPKkoek, denek.
    
    Euskara batua ez da noski "ETAk egina", baina Txillardegi ETAkoa zen, eta urte haietan Euskal Herriaz eta euskaraz garatu zen irudia (inguru hiritarra kontuan hartzen zuena, Aranaren arrazismoa gaitzesten zuena, "Pueblo Trabajador Vasco" terminoaren ekarpena) hein handi batean ETAren inguruan garatu zen.
    
    Eta garai haietan EAJko batzuk Mikel Laboa eta Maite Idirinengatik gaizki esaka ibiltzen ziren gitarra española jotzen zutelako, eta Orixeren ustez ezin zen Fisika eta Matematika euskaraz irakatsi; hortik atera kontuak gauza asko zenbateraino aldarazi ziren. Nik uste ukaezina da ETAk horretan izan zuen eragina.
    Amonamantangorri (e)k bidali du duela 78 egun 18 ordu 50 minutu
34. #34   Uste dut detaile "txiki" bat ahaztu zaizuela ETAk euskal kultura eta gizartean izandako "ekarpena" aipatzean. 60 eta 70ko hamarkadetan euskal kultura ETAren inguruan bertebratu eta gauzatu zen, horrexegatik zuen hain zuzen ere "fronte kultural" bat. Baina ikastolak eta UEU ETAk bultzatu zituela esatea gehiegi iruditzen zait, batez ere V. asanbladako testu batzuetan instituzio horiek aipatzen direlako. Hasieran pentsatu dut troll bat ari zela horrelako Garzonkadak esaten baina zoritxarrez serio bota dituzue. PNV ere ikastolen alde agertu zen bere garaian eta nik behintzat ez nuke esango beraiek sortu zituztenik. Ikastolak herriak sortu zituen, Euskal Herriak, auzolanean eta esfortzu eta diru asko sakrifikatuz. Lemoizko borroka herri borroka izan zen, gero ETA tartean sartu bazen bere intereserako ez du horrek esan nahi beraiek sortu zutenik ezta ere beraiei esker irabazi zenik (borroka hori ez genuela benetan irabazi pentsatzen jarraitzen dut). Ez balitz herriaren parte itzel bat inplikatu borroka horretan egoera desberdina litzateke.
    
    ETA hark eta gaurkoak ez dute inongo zerikusirik. Garai hartzan ideia iraultzaile erromantikoak erabiltzen zituen. Gaur egun pistolak eta bonbak bere aldeko ez den ororen aurka. ETA AHT-aren aurkako borrokan sartu bada bere aldeko propaganda egiteko izan da, lau katu daude AHTaren aurka baina borroka hau aspaldi hasi zuten ez lau, bi katuk baino. Orain jende gehiago bildu nahi bada borroka hontara ongi etorria izan dadila baina ez dezala egindako lana deuseztu eta ez ditzala bere metodo eta helburuak inposatu.
    kokoteraino (e)k bidali du duela 78 egun 8 ordu 50 minutu
35. #35   #35 Utziko dugu lehenengo partea beste eztabaida baterako, esan bezala eztabaida asimetrikoa delako.
    
    Bigarren partean ere nahiko asimetrikoa da eztabaida, baina tira, gaiari heltzen zaio. Zure argudioa orduan zera da: norbait lehena iristen bada borroka batera berak ezartzen ditu joko arauak eta borroka moldeak... interesgarria da pentsamolde hori. Agian orduan ezin da Guardia Zibilaren presentziaren aurkako sinadura bilketa bat egin, ETAk esklusiba duelako bonba-autoen borroka-moldearekin. Etorri nahi duena ongietorria izan dadila, baina ez dezala egindako lana deuseztu eta ez ditzala bere metodo eta helburuak inposatu.
    
    Eta esateak ETA hark eta gaurkoak ez dutela inongo zerikusirik rebisionismo absolutoan erortzea da. Biolentzia garai batean justifikatua badago, biolentzia politikoa noizbait erabilgarria dela esan nahi du. Eta beraz orain, nahiz eta egoera politikoa ezberdina izan norbaitek pentsatzen badu biolentzia politikoa bere helburuak lortzeko dagoen bide bakarra dela hori egitea zilegi dela. Hau da, edo biolentzia INOIZ ez da baliagarria edo BETI erabili daiteke. Eztabaida ez kokatu termino horietan, baizik eta orain ERABILGARRIA ote den galdetu, bestela kontraesanetan eroriko zara behin eta berriro.
    Theklan (e)k bidali du duela 78 egun 1 ordu 20 minutu
36. #36   #35 Theklan, nire hitzetatik tutik ere ulertu ez izana uler dezaket. Agian ez naiz behar bezala esplikatu baina nik esandakoetatik atera dituzun kontu eta asmakizunak ezin ditut onartu.
    
    Nik ez dut argudio hau erabili: "norbait lehena iristen bada borroka batera berak ezartzen ditu joko arauak eta borroka moldeak". Nik esaten dudana da eskubide osoa duela borrokan aritu den jende talde batek borroka hori aldatzera datorren jendearen eta, batez ere, metodoen aurka egoteko. ETAk ez zuen hasi AHTaren aurkako borroka baina orain borroka horretan sartu da dakien modu bakarrean. Eta gainera metodo horiek inposatu egin ditu. Ohi bezala. Asko gara uste dugunok horrekin lortuko duen bakarra da gure urteetako borroka kakaztu eta desligitimatzea. Hortik atera dituzun ondorioak ZUK atera dituzu. Berriz ere, ez dakit argudio faltagatik edo, gauzak kontestutik atera eta asmatu dituzu.
    
    V. asanbladako ETAk ez du inongo zerikusirik oraingoarekin. Eta ez dut esaten biolentziaren erabileragatik. Biolentzia BAKARRIK erabiltzen duelako baizik. Garai hartzan fronte politiko bat zuen, fronte kultura bat... Fronte kultural horren ildotik landu ziren hainbat eta hainbat gauza Euskal Herrian. Nik ez dut biolentziaren justifikazioaz hitzegin.
    
    Mesedez aurrerantzean ez saiatu nik esandakoak berridazten. Ez duzu hori egiteko inongo eskubiderik. Ikastolen, UEUren eta, orokorrean, Euskal Herriaren historiaren errebisionismo absolutua egin duen bakarra zu izan zara. Dena saku berean sartuz V. asanbladako lau lerro erabiliz.
    kokoteraino (e)k bidali du duela 78 egun 54 minutu
37. #37   Ikastolen mugimenduaren hastapenei buruzko laburpena, historialari batek idatzia (portziero, nik artikulu horretako argazkietan agertzen den ikastola batean ikasi nuen ) :
    
    http://www.euskonews.com/0062zbk/gaia6202eu.html
    
    Euskal wikipedian:
    
    http://eu.wikipedia.org/wiki/Ikastola
    
    Goian esan dudan bezala, ikastolak ETA baino lehen existitzen ziren.
    
    Jakin nahi nuke zer egin zuen ETAk ikastolen alde ikastolen frankismo garaian, beren agirietan aipatzeaz gain. Datu zehatzak esan nahi ditut: zenbat diru eman zuen ikastolen alde, umeentzako zenbat liburu idatzi zituzten bere militanteek (militanteak ziren garaian), zenbat militante liberatu zituen eskolak emateko, etab. Ala ETAk soilik "ideia brillantea" zuen eta gero lan zikina besteek egin behar al zuten?
    
    Ni ez naiz ikastolen ez aldekoa ez aurkakoa, baina ideia hori iraingarria da ikastoletan lan egin duten eta egiten ari diren guztientzat.
    
    Zuen ustez, nork egin du gehiago euskarazko irakaskuntzaren alde 40 urtez, ETAk ala, demagun, EAJk boterean egon den 25 urteetan? Eta ez diot EAJ defenditzearren, noski. Nork legalizatu zituen ikastolak eta erregulatu euskarazko irakaskuntza?
    
    Alajaina, euskal elizak berak ere askoz gehiago egin du eta! Nik elizak lagundutako (dirua, irakasleak, paperak) ikastola batean ikasi nuen.
    
    Berriro diot, ezker abertzaleak ikaragarrizko aukerak galdu ditu ETAren mende egoteagatik. Eta goian jarri ditudan eta batzuei gustatu ez zaizkizuen adibide horiek bezalako beste bat botako dut. ETAk ezker abertzalea bahituta edukitzeagatik lortu ez diren gauzak:
    
    Irakaskuntzako A eta B ereduak aspaldi desagertuta egongo lirateke, agian ez ziratekeen inoiz existituko.
    
    Lemoizen (eta, oro har, energia nuklearraren) kontura itzuliz, atzoko El Pais egunkarian horri buruz argitaratu zen artikulu bat, 70eko hamarkadako gainbehera nuklearraren nondik norakoak argitzen lagun dezakeena:
    
    http://www.elpais.com/articulo/opinion/Renacimiento/nuclear/parto/forceps/elpepiopi/20080602elpepiopi_12/Tes
    
    "La primera crisis del petróleo hirió de muerte el programa nuclear mundial. En EE UU los pedidos de centrales nucleares cayeron desde las 35 unidades en 1973 hasta las cero unidades en 1978, sin que hasta el día de hoy se haya cursado un solo pedido más. La subida de precios del petróleo de 1973 provocó una recesión mundial que redujo el crecimiento de la demanda de electricidad e incrementó los costes de construcción y las tasas de interés, hundiendo la rentabilidad de estas inversiones"
    asiersar (e)k bidali du duela 77 egun 22 ordu 55 minutu
38. #38   #Kokoteraino: Agian ez dizut ulertu lehenengoan, baina orduan bigarrenean ere ez. Hau da, berdina pentsatzen jarraitzen dut. Borroka bat herritarra denean EDOZEIN herritarrek har dezake parte bertan. Eta beraz ETAk ezin badu parte hartu bere borroka moldeekin ezin du hartu, demagun, Aralarrek bere borroka moldeekin ez eta barazkijaleen elkarte batek bere borroka moldeekin. Eta orduan inork ezin du parte hartu ez bada norbanako gisa. Bestearekin barkatu, agian lekuz atera ditut esandakoak, batzuetan gertatzen zait.
    
    #Asiersar. Tranpa egiten duzu eta badakizu. Ezin da jakin zenbat diru, militante eta liburu eman zituen ETAk ikastolei biak ala biak klandestinoak direlako eta, beraz, hori ez dagoelako idatzia. Baina ETAkideek alde batetik lan handia egin zutela ezin da ukatu, ziurrenik PNVko askok bezala... hala ere PNVk kritika handia egiten zien ikastolei, batez ere ezkertiar kutsua zutelako eta pedagogia aurrerakoiak eta laizismoan oinarritzen zirelako. Hori horrela izanda ikustekoa da parte hartzen zuten pertsonen ideologia maila batean garai hartako ETAren ideologiarekin bat egin zezakeela (ezin ahaztu garai hartan ETAren barruan zeudela ezkerreko tendentzia gehienak ordezkatuak, baita gero EE edo LKI sortuko zituztenak ere). Bestetik ETAk erakunde moduan kondizioak sortu zituen beldurretik atera eta estatuarekin konfrontatu ahal izateko. Hori ere ukaezina da. Lehenengo ekintzak ikurriñak kable elektrikotan jartzea izan ziren, jendeak ikurriñak beldur gabe erabil zitzan. Edo fronte politiko eta sindikalak osatzea, grebak laguntzea, hau da, klandestinitatetik besteak klandestinitatetik ater zitezen laguntzea. Horretarako bide politikoak bai, baina bide armatuak ere erabiltzen zituen, ezin baita bata bestea gabe ulertu (bide armatua politika egiteko modu bat ere bada).
    
    Ikastolak ETA baino lehen existitzen zirela ukaezina da, noski. Izaera euskaldun horrekin sorturiko lehenengoak PNVren inguruan sortu ziren Errepublika aldean. Gero Elbira Zipitriak sorturiko etxe-eskolak ere izaera euskalduna zuten, nahiz eta nahiko eskuindarra (galdetu bestela bizirik dauden euren ikasle askori). Lehenengo ikastolen modernoen mugimendua justuki (eta zuk jarri duzun loturan ere agertzen da) mugimendu politiko berrituekin batera agertzen da, eta ezkertiar eta laikoak izan ziren horietako asko. Aldi berean Oteizak Elorrion egongo zen "Universidad Infantil" sortuko zuen, hau ere Fronte Kulturalarekin lotura sendoak zituenean. Bere lan intelektual hori Frantziako sistema pedagogikoa eraberritu behar izan zenean erabili zuten, besteak beste. Beraz garai horietan ETAk ordezkatzen zituen sektore politikoak (euskaltzaleak eta ezkertiarrak) ikastolak sortu zituen, eta bata bestea gabe ulertzea ere zaila suertatzen zait. Noski, PNVren esparruan ere asko sortu ziren, ikastolek lagunduta. Baina batak ez du bestea kentzen. Ikastolen mugimendua laster izan zen herritarra eta oso plurala, eta laster aldendu zen ere alderdikerien diziplina estutik.
    
    Baina gainera galdera pozoindu bat egiten duzu, ETAren 40 urteko lana eta PNVren 25 urteko lanaren artea erabakitzearena. Nire ustez bata eta besteak batzuetan kontrajarriak izan dira (orain adibidez badira, ETAk Hezkuntza Sistema propioa eta euskararen ofizialtasuna aldarrikatu baititu azkeneko komunikatu luzean http://www.gara.net/paperezkoa/20080402/70552/eu/ETA-ren/agiria/Euskal/Herriari/ eta PNVk ez du hori inolaz ere defendatzen) eta beste batzuetan konplemetarioak, adibidez D ereduaren exijentziak zein sektore politikok eraman zuen gogoratzeakoa da. Baina esan bezala galdera pozoindua da, ETAk bere fronte kulturala KAS blokea sortu aurretik itxi baitzuen eta, beraz, ETAk hortik aurrera ez zuen BEREZIKI ezer egin esparru horietan, eta urte askotan militarrak hiltzera eta Iberdrolaren aurka jarduteari ekin baitzion. Eta hortik dator galderaren tranpa eta Arzalluzen erantzuna: eurek ezker abertzaleak lortzen dituen gauzak kudeatzen dituzte, eta horretan abilak dira. Baina ezker abertzalea ez da ETA, nahiz eta ETA ezker abertzalea ere baden.
    
    Eta gero berriro ekiten diozu gai berdinari. Zeren arabera ez litzateke egongo A eta B eredua ETA egongo ez balitz? Zergatik su-etenak egon direnean EAk (bere esku egon baita hezkuntza saila) ez du ezer egin eredu horiek desagertzeko? Zergatik su-etena egonda PNVk oposizioak deitzen ditu eta oraindik ere euskarazko irakasleak kontratatzen ditu?
    
    Eta bukatzeko, guzti hau dator zure ustez Ezker Abertzalea ETAren mende dagoelako... zeren arabera? Zergatik? Eta ezker abertzalea osatzen duten militanteek zergatik ez dute ba ihes egiten menpekotasun bat antzematen badute?
    Theklan (e)k bidali du duela 77 egun 21 ordu
39. #39   Theklan, oraindik ez didazu ulertu. Amaitzeko, ea oraingoan: ezker abertzaleak 1977tik aurrera euskal erakundeetan parte hartu izan balu, seguru asko orain ez litzateke irakaskuntzako A eredua existituko. Adibide bat da, noski. Ezker abertzaleak erakundeetan parte hartu ez badu, ETAren morrontzatik aldentzen jakin ez duelako da. Beraz, ETAk ezker abertzalearen (euskal gizartearen %20aren) indar politikoa indargabetuta eduki du 1977tik. Adibide argi bat jarriko dizut: ezker abertzaleak ez du botoa erabili EAEko eta Nafarroako parlamentuetan euskararen eta euskal kulturaren alorrean hartu diren erabaki (ia) guztietan. Ezta, albiste honetako gaia jorratuz, AHTaren inguruan hartu diren erabakietan ere.
    
    Nire iritzia da, noski.
    
    Eta amaitzeko, etengabe nahasten dituzu ezkertiar eta abertzale ziren eta diren *norbanakoen* ekarpenak eta ETArenak, hauek esaten dituzunean:
    
    "parte hartzen zuten pertsonen ideologia maila batean garai hartako ETAren ideologiarekin bat egin zezakeela"
    
    "ETAk ordezkatzen zituen sektore politikoak (euskaltzaleak eta ezkertiarrak) ikastolak sortu zituen"
    
    Hori, nire ustez, ez da bidezkoa.
    
    PD: Ez dakit eztabaida honekin jarraitzerik merezi duen, argudioak errepikatzen hasi naizela ikusi dut.
    asiersar (e)k bidali du duela 77 egun 19 ordu 42 minutu
40. #40   Beno, baina ez bazaude ados instituzio horien izaerarekin ez du zentzurik parte hartzeak, ezta? Berdinagatik gehiengoak bozkatu du moemntuz euskarazko wikipedian ez duela parte hartuko espainiako wikimedia fundazioan. Gestioa bakarrik bilatzen duen instituzio batean parte hartzen ez duenari ezin zaio bota besteek egiten ez dutenaren errua.
    Theklan (e)k bidali du duela 77 egun 17 ordu 52 minutu
41. #41   Beno, azkena, gaur goizean freskoago esnatu naiz eta.
    
    Egin dudan "tranparena" komentatzeko besterik ez. Ez, ez da tranpa, zuk esan duzun bezala ETA zein ikastolak klandestinoak ziren, baina baita EAJ, edo elizak ikastolei eman zien laguntza. Elbira Zipitriaren jarduna ere klandestinoa zen. Baina horien jarduerak ezagutzen ditugu. Elbirak zenbat haurri eman zien eskolak ere badakigu.
    
    ETAri dagokionez, klandestinoa izan arren badago diktadura garaiko bere jardueraren informazioa, ezta? Ez da al esan hemen fronte kulturala zuela ba? Zergatik da tranpa galdetzea fronte kultural horren emaitzak? Galdera hori egin badut, ideia hau agerian jartzeko izan da: nire susmoa dela ETAk ikastolei emandako laguntza hutsaren parekoa izan zela. Berriro diot, ETAk erakunde gisa edo bere militanteek, ez ezker abertzaleko norbanakoek (hori ez da bidezkoa, Elbira Zipitriaren lana inolako erakundek bere gain hartzea bidezkoa ez litzatekeen bezala).
    asiersar (e)k bidali du duela 77 egun 10 ordu 22 minutu

trackbacks

• (aipurik gabe)