Paraguain Lugok irabazita beste pauso bat eman du Latinoamerikak ezkerrerantz. Herrialde batzuen eta besteen ideologien artean, baina, ñabardura ugari daudela diosku kazetariak, Europako komunikabide nagusiek azterketa sinplifikatu eta interesatua hedatu arren. Bi ezker mota aurkeztu ohi dizkigute: ezker «modernoa», «XXI. mendera egokitua» (ad. Brasil, Txile); eta bestetik, ezker «populista», «gatazkatsua» (ad. Venezuela). Deskribapen arretatsuagoa behar dugu.