Gay McDougall gutxiengoen gaiei buruzko aditu independenteak ikerketa bat egin berri du Frantzian, NBEko Giza Eskubideen Kontseiluak eskaturik. Batez ere etorkinen eta etorkinen ondoko belaunaldien egoera aztertu du, baina baita euskaldunena, bretoiena, katalanena eta okzitaniarrena. «Presio handia» jasaten duela dio, «beren nortasun kulturala alda dezaten, frantses gizarteak onar ditzan». Gutxiengo nazionalak eta linguistikoak onartzeko eskatzen dio Frantziari.