Topagunea Euskara Elkarteen Federazioak antolatuta, Algortan eta Itzubaltzeta / Romon ospatuko da ekainaren 14an, larunbatarekin, III. Mintza Eguna, Rozio Luces Egizu Getxo Euskaldun! elkarteko dinamizatzaileak gaurko aurkezpenean iragarri duenez. Aurretik Iruñean eta Donostian egin ondoren, egun horretan Euskal Herri osotik etorritako 400 berbalagun (getxoztarrak barne) batzea espero dute, "elkar ezagutu, ondo pasatu eta euskaraz gozatzeko asmoz".