Noa bai / Noa ez: Askapenaren gaitzespen deia esteka honetan.

icon gravatar.comwww.gaztesarea.net/info/berria.php?id=11066
xabidu (e)k bidali du duela 227 egun 6 ordu 42 minutu, duela 226 egun 17 ordu 16 minutu argitaratuta
Iritzi kontrajarriak sortu ditu Noa kantari israeldarrak Tolosan ostiralean eskainiko duen kantaldiak."Israeli boikot" ekimenarekin bat egiten du Askapenak, eta Tolosan gaitzespena adieraztera deitzen du (ikus estekako komunikatua). Bestelako jarrerarik ere aditu da, atzoko Berrian argitaraturiko gutun honetakoa adibidez: http://www.berria.info/testua_ikusi.php?saila=iritzia&data=2008-04-08&orria=006&kont=008
15 iruzkinetiketak: hemen: Gizartea bildu
erabiltzaileen botoak: 8, boto anonimoak: 17

iruzkinak

  1. #1   Guztiz ados nago Berriara gutuna bidali duenarekin.
    kokoteraino (e)k bidali du duela 226 egun 19 ordu 11 minutukokoteraino
  2. #2   Nik uste, emanaldi antolatzaileek gehiago hausnartu beharko lukete Israelgo artistak gonbidatu aurretik, jakinik EHn sensibilitate handia dugula hango egoeraz. Bestalde, oraingoan Noa bezala hona ekarritako artistak bakean utziko nituzke.
    xabidu (e)k bidali du duela 226 egun 16 ordu 34 minutuxabidu
  3. #3   alor guztiak hartuko lituPalestinako 170 elkartek baino gehiagok boikota egiteko eskatzen digute. Palestinarrak dira egunero Israelen okupazio militarraren ondorioz hildakoak dituen herri zapaldua. Israelgo estatua presionatzeko modua da boikota egitea, palestinarren eskubideak errespetatzen ez dituzten bitartean egin beharrekoa. Boikota arma zilegia da Israelen zapalkuntza gelditzeko.
    Itxaspe (e)k bidali du duela 226 egun 16 ordu 19 minutuItxaspe
  4. #4   #3 Orduan, zure ustez Israeldar jatorriko edonori boikota egin beharko litzaioke? Israelgo estatuari kontra egitearekin ados nago ni baina ez bertako edozein herritarren aurka. Bestela Txinatar dendei ere boikota egitea bultzatu beharko genuke, bai bere herritarren aurka bai Tibetarren aurka (adibidez) darabilten politika inposatzailea salatzeko.
    kokoteraino (e)k bidali du duela 226 egun 15 ordu 57 minutukokoteraino
  5. #5   Israelgo estatua Palestinar herriaren ukapenean oinarritzen da. 1948-49 urteetan sionistek palestinarrak beren lurraldetik bortizki bota zituzten, milaka hildako eraginez. Ondoren judutar sionista kolonoek lur "hustu" horiek bete zituzten. Ordutik dator gatazka, Israeldar estatua onartzen den heinean hori zilegitzen dugu. Noak Israelen aurpegi "amablea" errepresentatzen du, Israelen "enbaxadore kantaria" da. Bestetik, Noak -Israeldar guztiek egiten duten bezela- israeldar ejertzitoan egon zen bi urtez bere aberria zerbitzatzen (Palestinarren aurka eginez). Ah! Sargento (kantari) maila hartu omen zuen.
    Itxaspe (e)k bidali du duela 226 egun 15 ordu 1 minutuItxaspe
  6. #6   Noaren "bakezaletasunari" buruzko informazio interesgarria [gazteleraz] http://euskalherria.indymedia.org/eu/2006/07/30522.shtml
    Itxaspe (e)k bidali du duela 226 egun 14 ordu 36 minutuItxaspe
  7. #7   @itxaspe Interesgarria Indymediako (Gara-ko) elkarrizketa hori, bai eta ondoan dakartzan komentarioak. Noa-ren jarreraz gehiago dakit orain. Hala ere, nire ustez egin beharrekoa Noa ez ekartzea zen. Ez diot zentzurik ikusten "guk" (edo batzuek gure izenean) gonbidaturiko artista bati orain oihu egitea. Oihuak "ekarleek" merezi dituzte.
    xabidu (e)k bidali du duela 226 egun 13 ordu 55 minutuxabidu
  8. #8   #5 Ezagutzen dut Israelgo estatuaren sorkuntzaren historia. Norbaitek gehiago sakondu nahi badu: http://eu.wikipedia.org/wiki/Israel

    Baina, berriz diot. Israeldar guztien aurka azaldu behar dugu? Txinak Tibet inbaditu zuen eta bere menpean hartu. Txinatar herritar guztiei boikota egin behar diegu? Britainia Haundiak Israelgo estatuaren sorrera baimendu zuen bere menpeko Palestinarrak salduz. Ez dut inoiz entzun boikoterako deirik Britaina Haundiko taldeak etorri direnean, ez honengatik ez eta Irlandarren aurkako jarrerarengatik.
    kokoteraino (e)k bidali du duela 226 egun 13 ordu 43 minutukokoteraino
  9. #9   Noaren "bakezaletasuna" hagitz naifa eta txotxoloa iruditzen zait. Hemengo jarrera batzuekin konparatuz, Alfonso Sastrek hain modu zorrotzean "humanismo navideño" deitu zuen horren antzekoa. Alegia, denak gaude gerraren aurka eta bakearen alde, zeinen polita litzatekeen denok elkartu eta abar eta abar. Baina galdeiozu Noari Gaza eta Zisjordaniako egoeraz, eta auskalo zer erantzuten dizun. Gainera, boikot deialdia ez da pertsona jakinen aurka, produktu israeldarren aurka baizik.

    Israelgo estatuak eman nahi duen "normalatasun" irudiarekin bukatzea da boikotaren helburua. Eta Noak Israelen aurpegi polita erakusten du, konzienteki gainera.
    Amonamantangorri (e)k bidali du duela 226 egun 13 ordu 31 minutuAmonamantangorri
  10. #10   #9 "Hemengo jarrerak" aipatzen dituzula, uste nuen gaitzespenek ez zutela ezertarako balio. Honek bai?
    kokoteraino (e)k bidali du duela 226 egun 13 ordu 12 minutukokoteraino
  11. #11   Gaitzespenek, Euskal Herriko gatazka politikoan ez dute konponbiderako balio, nire ustez.

    Israeli dagokionez: Boikotak eraginkorra izateko Israelen kanpo ekintza guztietan eragin beharko luke. Horregatik eskatzen da boikot ekonomikoa, politikoa, kiroletakoa, kulturala, akademikoa... Israeldar on asko dagoela? Noski. Eta horiek boikotaren alde egon behar lukete, Israel Estatu arrazistaren aurka egon behar luketen bezala.

    Ez dut ulertzen egin nahi den desberdintze hori. Israeli boikota ez bazaio egin nahi, ongi (aukera bat da), baina boikota egin nahi bada israeldarrei egin beharko zaie. Noski, ez diegu ezer txarrik egingo (ez ditugu jipoituko), baina ez ditugu gure ekitaldietara, kontzertuetara... gonbidatuko, adibidez. Finean, boikotaren xedea Israelen isolamendua da.

    Erabakia gogorra da, egoera gogorra delako (edo erabaki gogorra izan beharko litzateke, hedatuz gero, Hegoafrikarekin gertatu zen bezala: finean, bertako zuri asko apartheidaren aurka zeuden eta boikota pairatu zuten...).
    ikira (e)k bidali du duela 226 egun 12 orduikira
  12. #12   Galdera zorrotza eta pozoindua, erortzen ari denarekin.

    Ni jendeak posizio garbiak hartzearen aldekoa naiz. Esan behar da, hala ere, hemen batzuek armen erabileraren inguruan bere posizioa argi eta apaingarririk gabe agertuko balute arazo serioak edukiko lituzketela Espainiako justiziarekin. Gainera, ETAren biolentzia ulertzeko modu bat eta bakarra ez dela kontuan hartu behar da, eta esan behar dut nirea ere ez datorrela bat interpretazio ofizial kanonikoarekin, nahiz eta nerea agian legeak baimendua izan, edo legal xamarra segun momentuko aireak nondik heldu diren. Egoera hori ez zait batere sanoa iruditzen, karta guztiak mahaiaren gainean jartze alde.

    Dena dela, ez zait gauza bera iruditzen, kondena solemneei uko egin eta arazo sakon baten esistentzia salatzea, eta "biolentzia guztien aurka" egonda munduan barna bakearen enbaxadore gisan ibiltzea. Demokraten Olinpotik egiten dizkizuten kondea eta mea culpa esijentziei ezetz esatea batetik, eta neutraltasun faltsu bat hartzea ipurdia ez bustitzeko beldurrez, bestetik. Ez da gauza bera.

    Erantzuna akaso luzeegia ezta?
    Amonamantangorri (e)k bidali du duela 225 egun 19 ordu 10 minutuAmonamantangorri
  13. #13   Kokoteraino:

    Zergatik Txina, AEB eta Erresuma Batua ez eta Israel bai?

    Igual erantzuna ere badakizu: Txina, AEB eta EB potentzia ekonomiko handiak dira eta ez da kristorik horiek geldiaraziko dituenik. EABk Kubari inkubadorarik salduko ez diola erabaki, eta Kubako ospitalak orain dela berrogei urteko inkubadorekin moldatu behar dute: EABri inork ezin dio holakorik egin.

    Israel estatu txiki bat da, ipurtzuloraino militarizatua. Baliabide gutxirekin atzerriko laguntzei esker eroso bizi dena, europar kulturako biztanleria midle class batekin, bereak ez diren lurretan bizitzen. Zuk zer nahi duzu ba? Israeldarrak beren okerraz konbentzitu? Berriz ere eguberrietako humanismo txotxolo horrekin?
    Amonamantangorri (e)k bidali du duela 225 egun 18 ordu 50 minutuAmonamantangorri
  14. #14   Amonamantagorri, argi dago ez duzula nire hitzen esanahia ulertu. Ziur nire erruagatik izan dela, ez nahizelako gai izan era argian esateko.

    Nik esaten dudana da ezin dela Noa Israel estatuaren enbaxadore moduan hartu eta ezin zaiola berari aurpegiratu bera jaio eta bizi den estatuko gobernuak egiten duena. Era berean, salatu nahi ditut "etsaiak" edo "deabruak" aukeratzeko erraztasun eta moduak eta mundua "onak" eta "txarrak" artean banatzeko behar hori. Gainera balio absolutuak balira bezala hitzeginez.

    Honi: "Berriz ere eguberrietako humanismo txotxolo horrekin?" nahiago dut ez erantzun. Errespetua eskatzen baita Zabaldun.
    kokoteraino (e)k bidali du duela 225 egun 16 ordu 43 minutukokoteraino
  15. #15   Barkazioa eskatzen dizut errespetu falta iruditu bazaizu, baina ni ere igual ez naiz modu argian adierazi. Esan nahi dudana da, bakearen aldeko jarrera mota bat (ez pazifismo guztia erabat hartuta) "eguberrietako humanismo txotxoloa" dela, alegia, kontsumo azkarreko ideologia xinple eta erraza, intentzio zintzoetan besterik gelditzen ez dena eta askotan gainera, batere zintzoak ez diren intentzioen gordeleku dena. Miss hautagaientzako hitz-kakajario aproposa.

    Noa "embajadora de buena voluntad de la ONU" omen da, Xavier Sardá, Juanes eta beste hainbat intelektual konprometitu bezala. Niri horrek ez dit ezer esaten. Noak bakearen alde hitz egiten omen du: Ba, hori ez da arraroa. Arraroagoa litzateke Noak, Juanesek edo beste edozeinek gerraren alde zerbait esango balu. Horrek ez du meriturik. Eta ez dut uste horrekin inor hatz luxearekin seinalatuz demonizatzen dudanik. Hola da eta punto.

    Horregatik diot, ea inork uste ote duen Israelek bere jarrera aldatuko duenik, hola, inongo presiorik gabe.

    Bueno ba, esan dezagun orduan Noari bere gobernuaren basakeriak ordainaraztea ez dela bidezkoa. Eta Israeleko beste produktuak? Tel Aviveko unibertsitate ospetsua eta bere ikerlariak? Kirolariak?
    Amonamantangorri (e)k bidali du duela 225 egun 15 ordu 27 minutuAmonamantangorri
iruzkinak itxita daude

Laguntza  |  kodea: lizentzia, jaitsi  |  irudien lizentzia   |  Kontaktua: kontaktua(a bildua)zabaldu.com Baliozko XHTML 1.0 Transitional kodea    Baliozko CSS kodea!   [Baliozko RSSa]