Espainiak Caracasen duen enbaxadan pintadak agertu dira. Horietako batean ETAren anagrama eta "Bietan Jarrai" leloa. Lelo hori eta Jarrai gazte erakundea nahasten ditu "El Mundo"k. Uste nuen adituagoak zirela afera hauetan. Zer esango dute orduan Euskaltzaindiari buruz, bere leloa "Ekin eta Jarrai" da eta... Simon Bolivar Koordinadorak sinatutakoak ei dira graffitiak. "Gora erresistentzia", "Euskal Herriarekin elkartasuna" eta maputxe nahiz palestinarren aldeko mezuak irakur daitezke.