Estatu frantseseko arkeologia aztarnategi batean I. Mundu Gerrako soldadu batek Oklahomatik jasotako gutuna aurkitu omen dute. Orduko gutun bat orain aurkitzea, egia esateko, ez da hain harrigarria. Baina botila baten barruan zegoen, lurperatuta, eta horrek deigarriago egin du antza: "Message in a bottle". 90 urte eman ditu lurpean, Morres Vickers Liepman sargentu estatubatuarrak jaso eta gudan zegoela lurpean sartu zuenetik, bonbardaketa baten ondorioz suntsitu ez zedin edo.