Marije Fullaondo Batasuneko zuzendaritzakide algortarra atxilotu dute 17:00ak aldera Espainiako Auzitegi Nazionalaren aginduz. Joan den urriaren 4an Baltasar Garzon epaileak Batasuneko Mahai Nazionalaren kontra agindutako polizia-operazioaren baitan egin dute atxiloketa, Efe agentziaren arabera. Fullaondo 2004ko ekainaren 13an Europako hauteskundeetan ilegalizatutako Herritarren Zerrendaren (HZ) burua izan zen.