Topagunea Euskara Elkarteen Federazioak eta Elgetako Goibeko Kultur Elkarteak Euskal Herriko Ikus-entzunezkoen Rallyaren III. edizioa aurkeztu dute. Lehiaketa abenduaren 29an egingo da, Elgetako Espaloia Kafe Antzokian, eta bertan 18 eta 35 urte bitarteko gazteek har dezakete parte. Hamar orduko epean hiru minutuko bideo bat sortzea da erronka, bertan adieraziko diren gai eta ezaugarriak erabilita. Izena emateko epea azaroaren 27ra arte dago zabalik.