Zubietako eskola txikiak antolatuko du aurten Gipuzkoako Eskola Txikien festa, ekainaren 10ean. Aspaldi ari dira gurasoak festa hori prestatzen: kamisetak, bloga, programazioa... Lanpetuta dabiltzan guraso horiek, ordea, badute beste buruhausterik; Zubietako eskola txikitik 1180 metrora erraustegia eraiki nahi dute eta Zubieta herri txikiaren landa-bizitza eta haurren osasuna arrisku larrian daude. Hori salatzeko eta hiri hondakinen kudeaketa alternatiboak lantzeko eskatu nahi diete politikariei larunbateko Donostiako manifestazioan.