Argia aldizkariak bere on-line bertsioa berritu du gaur bertan. Alde batetik, testu eta argazkiez gain, elementu multimediekin aberastu dituzte hainbat erreportaje eta elkarrizketa. Bestalde, web 2.0 deiturikoaren kontzeptuak bereganatu dituzte Argiakoek eta ondorioz, parte hartzeko askoz ere aukera gehiago eskaintzen du orain Argia astekariaren guneak. Hala, irakurleak gustuko dituen edukiak Zabaldura bidaltzeko aukera du aurrerantzean. Azkenik, artikuluak html bertsioan irakurtzeaz gain, pdf formatuan ere irakurri ahal dira.